இன்றைய அளவு கடந்த சிரிப்பு
நாளைய அளவு கடந்த அழுகைக்கு
காரணமாக அமையக் கூடும்
இன்று அளவு கடந்து
எடுத்துக் கொள்ளப் படும் சலுகை
நாளைய இறுக்கங்களுக்கு
காரணமாக அமையக் கூடும்
இன்றைய வரம்பு மீறல்கள்
நாளைய சந்தோஷங்களை
தடுக்கும் அரணாக அமையக் கூடும்
இன்று இடைவிடாது
தொடரப்படும் பிடிவாதங்கள்
நாளைய பிரிவுக்கு
காரணமாக அமையக் கூடும்
இன்றைய அளவு கடந்த
இறுக்கத்தின் நிழல்
நாளைய நிழலின்மைக்கு
காரணமாக அமையக் கூடும்
ஆதலால் தான் எதுவும்
அளவோடிருத்தலே நலம்
எல்லை தாண்டப் படாத வரையே நலம்
வரம்பு மீறாதிருக்கும் வரையே நலம்
அது சந்தோஷமாகட்டும்
சோகமாகட்டும்
சோதனையாகட்டும்
அல்லது நீ
துவண்டு போய் கிடக்கும்
நொடியாகட்டும்
அளவோடு இரு
அல்லல்கள் குறைக்கப்படும்!
@trendingtopic09
@trending
No comments:
Post a Comment