#தமிழக_தலைவர்கள்

Rare Photo........

இன்றைக்கு இந்த கருப்பு வெள்ளை அரிய படத்தை பார்க்க நேர்ந்தது. இது தந்தை பெரியார் மறைவின்போது எடுக்கப்பட்ட புகைப்படமாகும். 

இந்த படத்தில் பெருந்தலைவர் காமராஜர், தலைவர் கலைஞர், எம்.ஜி,ஆர், ஈ.வி.கே.சம்பத், நாவலர், பேராசிரியர், கே.ஏ.மதியழகன், ப.உ.சண்முகம், ஏ.வி.பி.ஆசைத்தம்பி போன்ற ஆளுமைகள் ஒரு சேர இருக்கும் காட்சி. இதில் கே.ஏ.மதியழகன், ப.உ.சண்முகம் ஆகியோருடன் தொடர்போ, அறிமுகமோ எனக்கு கிடையாது. ஆனால், மற்றவர்களோடு என்னை பெயர் சொல்லி அழைக்கப்படும் அளவிற்கு அறிமுகமும், அவர்கள் வழங்கிய பணிகளையும் செய்துள்ளேன். நான் அறிந்த தலைவர்களுள் பிரபாகரன் மற்றும் விவசாயிகள் சங்கத் தலைவர் சி. நாராயணசாமி நாயுடு ஆகியோர் மட்டும் இங்கில்லை. அவர்களின் காலக்கட்டம் அப்போது இங்கே எழவில்லை. 

பெருந்தலைவர் காமராஜர் என்னை கோவில்பட்டி தம்பி என்றும், தலைவர் கலைஞர் என்னை இராதா என்றும், எம்.ஜி.ஆர் வக்கீல் என்றும் அழைப்பார்கள். ஈ.வி.கே. சம்பத் அவர்களுடன் நன்கு அறிமுகம். நெடுமாறனோடு நான் அரசியலில் களப்பணியாற்றும் போது சம்பத் அவர்கள் என்னை தம்பி என்றே அழைப்பார். நாவலர் அவர்கள் நான் தினமணியில் எழுதிய கட்டுரைகளை படித்துவிட்டு, அவரை நேரில் சந்திக்கும்போது பாராட்டுவதும் உண்டு. கழகப் பொதுச் செயலாளர் பேராசிரியரை சந்திக்கும் போதெல்லாம் உங்கள் கட்டுரைகளை படித்தேன். பொதுத்தளத்தில் இப்படியெல்லாம் இருக்க வேண்டும் என்று அடிக்கடி ஆலோசனை சொல்வார். எ.வி.பி.ஆசைத்தம்பி எனது பக்கத்து ஊரான விருதுநகரைச் சேர்ந்தவர். நுங்கம்பாக்கம் நெடுஞ்சாலையில் வேலு மெஸ்சின் அருகில் அவரது வீடு உள்ளது. அவரை சந்திக்கும் போதெல்லாம் விருதுநகர், சாத்தூர் பகுதிகளைப் பற்றி கேட்பது வாடிக்கை. தொடர்ந்து புகைபிடித்துக் கொண்டே இருப்பார். அது தான் அவருக்கு ஆபத்தாக முடிந்தது.

பொது வாழ்வில் 48 ஆண்டுகளில் நான் பார்த்த இந்த அரசியல் தலைவர்களோடு பழகியது இன்றும் பசுமையாக நினைவுகள் உள்ளன. இப்படி ஆளுமையான தலைவர்களோடு அறிமுகமாகி அன்பு பெற்றதே பெரும் வரம் மட்டுமல்ல. நான் செய்த அரசியல் தவத்தின் கொடையாகும். இதை தாண்டி வேறு என்ன அங்கீகாரங்கள் வேண்டும். 

தமிழகத்தில் அரசியல் மனமாச்சரியங்களை கடந்து அன்று இப்படி தலைவர்களை ஒருங்கிணைந்து ஒரே இடத்தில் ஒருசேர பார்த்தது இன்றைய வரலாறு.

#tamilnadu

#KSRPostings

#KSRadhakrishnanPostings

கே.எஸ்.இராதாகிருஷ்ணன்.

09/10/2019

Yoga #Nanammal

கோவை கணபதிபாளையத்தைச் சேர்ந்த பத்மஸ்ரீ விருது பெற்ற நானம்மாள் காலமானார்;ஆழ்ந்த இரங்கல் 

99 வயது வரை யோகா செய்து அனைவரையும் ஆச்சர்யத்தில் ஆழ்த்தியவர் நானம்மாள் | #Yoga #Nanammal

தமிழக_நீர்_நிலைகள்

#தமிழக_நீர்_நிலைகள்

-------------------------------------

நதிகள், ஆறுகள், ஏரிகள், குளங்கள், சிறு ஊரணிகள், குட்டைகள் என பல வகையான நீர் நிலைகள் பண்டைய மன்னராட்சி காலத்தில் நிர்மாணிக்கப்பட்டு, அவை கவனமாக மேலாண்மை செய்து பாதுகாக்கப்பட்டது. சோழர்கள் கட்டிய வீர நாராயணன் ஏரி, கல்லணை என்பவற்றையெல்லாம் அக்காலத்தில் எப்படி அமைத்தார்கள் என்று நமக்கு தெரியவில்லை. மதுரையிலுள்ள  வண்டியூர் தெப்பக்குளம், மீனாட்சி அம்மன் கோவிலிலுள்ள பொற்றாமரை குளம் என தமிழகத்தின் பல்வேறு கோவில்களில் குளங்கள், தெப்பங்கள் போன்றவை எப்பொழுதும் நீர் நிறைந்து இருப்பது, அறிவியல் சார்ந்த தொழில் நுட்பத்தை கடந்த பல நூற்றாண்டுகளுக்கு முன்பே தமிழினம் அறிந்திருக்கிறது என்பதையே காட்டுகிறது.

இலட்சத்திற்கும் மேலாக இருந்த ஏரி, குளம் போன்ற நீர் நிலைகள் இன்றைக்கு 39,202ஆக குறைந்து விட்டது. ஏரி மாவட்டமான ஒன்றுபட்ட செங்கல்பட்டு மாவட்டத்தில் பழவேற்காடு, பொன்னேரி, உத்திரமேரூர், மதுராந்தகம் ஏரி, செலவப்பன் ஏரி போன்ற பல ஏரிகள் தனது இயற்கை தன்மைகளை இழந்துவிட்டன. இந்தியாவிலேயே குளங்கள், ஏரிப் பாசனம் தமிழகத்தில் தான் அதிகம். வடக்கே பள்ளிப்பட்டிலிருந்து, தெற்கே பத்மநாபபுரம் வரை இருந்த பல நீர் நிலைகள், சில சுயநலவாதிகளால் ஆக்கிரமிக்கப்பட்டு வீட்டு மனைகளாக கபளீகரம் செய்யப்பட்டுள்ளது.  இப்போது இருக்கின்ற நீர் நிலைகளையாவது பாதுகாக்க வேண்டாமா என்பதுதான் இன்றைய கேள்வி. ஆம்;  அவசியம் பாதுகாக்கப்பட வேண்டும். அதற்கு நாம் செய்ய வேண்டியவை:

பழமை என்று நினைக்காமல் காலம் காலமாக தமிழகத்தில் மரபு ரீதியாக அமைந்த நீர் பாசன, நீர் மேலாண்மை பற்றி அறிந்து, நவீன நடைமுறைகளோடு இணைத்து செயல் திட்டங்களை வகுத்து நீர் நிலைகளை பாதுகாக்க வேண்டும்.

ஆறுகளில் சமூக விரோதிகள் அள்ளும் மணல் கொள்ளையை தடுக்க வேண்டும். அள்ளும் மணலில் 80 சதவீதம் வேறு மாநிலங்களுக்கு, சுயநலவாதிகள் விற்று விடுகின்ற வேதனையான நிலைப்பாடு தற்போது உள்ளது. மீதமுள்ள 20 சதவீதம் தான் தமிழகத்திற்கு பயன்படுகிறது. அதுவும் கொள்ளை லாபத்தில் மணலை விற்கின்றனர்.

மழைக் காலங்களில் வரும் வெள்ளத்தை தடுக்க, தடுப்பு அணைகள் கட்டி நீரை சேமிக்கலாம். காவிரியில் மட்டும் 60 தடுப்பு அணைகள் கட்டலாம்.

கிராமங்களில் ஆயக்கட்டு விவசாயிகள் கூட்டுறவோடு, ஒரு காலத்தில், தங்கள் கிராமங்களில் உள்ள நீர் நிலைகளை தூர் வாறியதுண்டு. அப்பாவி விவசாயி, விவசாய நிலத்திற்கு மாட்டு வண்டியில், தற்போது வண்டல் எடுக்க முடியவில்லை. அதற்கு சட்டம் தடை போடுகின்றது. ஆனால், மணல் கொள்ளையர்கள் லாரி லாரியாக அள்ள இன்றைக்கு சட்டம் வழி செய்கின்றது. விவசாயிகள் வண்டல் மண் எடுப்பதால் குளங்களும், ஏரிகளும் தூர் வாறப்பட்டு நீரின் கொள்ளளவைக் கூட்டி, தேவையற்ற தாவரங்கள் அழிக்கப்பட்டு, தண்ணீரின் அளவு நீர் நிலைகளில் அதிகமாகும். வண்டலும் விவசாயத்திற்கு பயன்படும். இதற்கு அரசின் தடைகள் உள்ளது.

ஆங்கிலேயர் காலத்தில் தூர் வாறப்பட்ட குளங்களும், ஏரிகளும் அதற்கு பின் இதுவரை முழுமையாக தூர் வாறப்படவில்லை. அப்படியே தூர் வாறினாலும் அதில் ஊழலால் சரியான பணிகள் நடப்பதில்லை. அதிலும், அரசு பல தடைகளை போட்டுள்ளது.இது குறித்தான எனது வழக்கு சென்னை உயர் நீதி மன்றத்தில் நிலுவையில் உள்ளது.

ஐநா. மன்றம், எதிர்காலத்தில் உலகில் 1.8 பில்லியன் மக்கள் சுகாதாரமான தண்ணீர் இல்லாமல், வறட்சியில் தவிப்பார்கள் என்று ஒரு அறிக்கையில் சொல்லி உள்ளது. குறிப்பாக தமிழக பகுதிகளும் இதில் அடங்கியுள்ளது.

ஏற்கனவே குமரி மாவட்டத்தில் நெய்யாறு, நெல்லை மாவட்டத்தில் அடவி நயினாறு, உள்ளாறு, செண்பகத்தோப்பு; முல்லைப் பெரியாறு, ஆழியாறு - பரம்பிக்குளம், பாண்டியாறு - புன்னம்புழா, சிறுவாணி, காவிரி, ஒக்கேனக்கல், பாலாறு, பொன்னியாறு என்று கேரளம், கர்நாடகம், ஆந்திரம் போன்ற மாநிலங்களுடன் பல நதி நீர் பிரச்சினைகள் உள்ளது. இந்த பிரச்சினைகளுக்கு, எப்பொழுது தீர்வு கிடைக்குமோ என்று தெரியவில்லை. தமிழகத்தில் பொதிகை மலையில் உற்பத்தியாகி, புன்னக்காயலில் கடலில் கலக்கும் தாமிரபரணி மட்டும்தான் நமக்கு முழுமையாக பயன் அளிக்கிறது.  மழை வெள்ளத்தால் வருகின்ற தண்ணீரை பாதுகாத்து பயன்படுத்த கூடிய நிலையில் நம்முடைய நீர் நிலைகள் தயாராக இல்லை. இதனை நாம் சரியாக கவனிக்க தவறுவோமானால் தண்ணீர் பற்றாக்குறையால் ஆபத்தான நிலையை தமிழகம் எதிர்காலத்தில் சந்திக்க நேரிடும்.

மழை நீர் 40 சதவீதம் கடலுக்கும், 35 சதவீதம்  பூமி வெப்பத்தினால் ஈர்க்கப்படுகிறது. 10 சதவீதம் நிலத்தடி நீராகிறது. இப்படி ஒரு புள்ளி விவரம் இன்றைக்கு உள்ளது. ஏற்கனவே நிலத்தடி நீர் குறைவது மட்டுமல்லாது சுவை தன்மை மாறி, சவர் தண்ணீராகிறது.

பிரம்மபுத்திராவிலிருந்து 18,437 கன மீட்டர் தண்ணீர் வீணாகிறது. அதேபோல், கேரளாவில் மேற்கு நோக்கி பாயும் படுகையிலிருந்து 3,640 கன மீட்டரும், மகாநதியில் 2,546 கன மீட்டரும், காவிரியில் 660 கன மீட்டர் தண்ணீர் கடலுக்கு செல்கின்றது. இந்தியாவில் கடலுக்கு செல்லும் நதி நீரில் பாதியை, நீர் நிலைகளில் சேமித்தால் எதிர்காலத்தில் விவசாயத் தொழில், மற்றைய தேவைகளுக்கு பயன்படும். நீர் மேலாண்மையும் அதன் பயன்பாட்டிலும் விவசாயம் மற்றும் குடிநீர், தொழில் வளர்ச்சிக்கு பயன்படுத்துவதில்  ஏற்படும் சுற்றுச்சூழல் பிரச்சினைகளையும் கவனத்தில் கொண்டு, முறையான நீர் மேலாண்மை உத்திகளை வகுக்க வேண்டும். இச்சிக்கலில் கவனம் செலுத்தாமல் இருந்தால் நமக்கு பெரும் கேடு விளையும் என்பதை உணர வேண்டும். மக்கள் தொகை பெருக்கமும், தேவைகளும் அதிகரிக்கின்ற நிலையில் இப்பிரச்சினையில் இதயசுத்தியோடு கடமைகளை ஆற்ற வேண்டும். மனம் இருந்தால் மார்க்கம் உண்டு.

இது அவசியம்! அவசரமும்கூட.. ..

#தமிழக_நீர்_நிலைகள்

கே.எஸ்.இராதாகிருஷ்ணன்

26-10-2019.

#KSRPostings

#KSRadhakrishnanPostings

இன்று, #உலகத்தில்_நாடாளுமன்ற #அமைப்புமுறை_பிரிட்டனில்_அமைந்த #நாள்.

இன்று, #உலகத்தில்_நாடாளுமன்ற #அமைப்புமுறை_பிரிட்டனில்_அமைந்த #நாள். 

————————————————

#ஜனநாயகம் (democracy) கிரேக்கத்தில் பிறந்தது. #குடியரசு (republic) ரோமில் தோன்றியது. கிரேக்கத்தில் பிறந்த ஜனநாயகம் விரிவடைந்து நாடாளுமன்ற முறையாக (west minister form) இங்கிலாந்தில் 1707இல் அமைந்தது,இன்றைய நாள்.

குடியரசு (republic) பிரான்சிலும், அமெரிக்காவிலும் சென்றடைந்து குடியரசு தலைவர் ஆட்சியாக கோலோச்சுகின்றது. இங்கிலாந்து, அதாவது பிரிட்டன், இஸ்ரேல், நியூசிலாந்து ஆகிய நாடுகளில் எழுதப்பட்ட அரசியல் சாசனம் கிடையாது. மரபுகளும், வழிவழியாக வந்த நடைமுறைகளத் தான் அரசியலமைப்பு முறையாக இந்த மூன்று நாடுகளிலும் வகுத்துள்ளனர். 

நாடாளுமன்ற முறையின் தாய் இங்கிலாந்து (mother of parliment).

கடந்த 2012ல் பிரிட்டிஷ் நாடாளுமன்ற (லண்டன்) வளாகத்தில் உரையாற்றக் கூடிய வாய்ப்பு கிடைத்தது. ஈழத் தமிழர்கள் அழைத்திருந்தனர். பிரிட்டிஷ் நார்வே மற்றும் பல நாடுகளின் நாடாளுமன்ற உறுப்பினர்கள் அந்த நிகழ்வில் பங்கேற்றனர். அந்த நிகழ்வுக்கு என்னை அழைத்ததை குறித்து கி.ரா.விடம் சொன்ன போது, கி.ரா., “சபாஷ்! சென்று வாருங்கள். இந்திய நாடாளுமன்றத்திற்கு செல்ல உங்களுக்கு வாய்ப்புகள் சில நேரங்களில் மறுக்கப் பட்டதெல்லாம் எனக்கு தெரியும். லண்டன் பாராளுமன்றத்தில் பேசக் கூடிய நிலையை எண்ணி நானும் மகிழ்கிறேன் நீங்களும் மகிழ்ந்திருங்கள். இந்திய நாடாளுமன்றத்திற்குச் சென்ற எம்.பிக்களுக்கு இந்த வாய்ப்புக் கிடைக்குமா?என்று எண்ணிப் பாருங்கள். அதுவே உங்கள் தகுதி” என்ற போது அந்த வாய்ப்பு குறித்து உண்மையிலேயேநெகிழ்ச்சியடைந்தேன்.

The first Parliament of Great Britain met today in 1707, following the Act of Union between Scotland and England. When the new parliamentary session began English parliamentarians warmly welcomed their new Scottish colleagues in the Lords and Commons.

The honeymoon was short, however. Scottish MPs had to accustom themselves to a cut-and-thrust style of debate in the Commons which was very different from the slow formality to which they had been accustomed in Edinburgh.

Learn about the Act of Union: https://goo.gl/ZqHekC

'The House of Commons in Session', oil painting by Peter Tillemans © Parliamentary Art Collection, WOA 2737

கே.எஸ்.இராதாகிருஷ்ணன்

26-10-2019.

#KSRPostings

#KSRadhakrishnanPostings

#Parlimentarysystem

#கி_ரா_வின்_கோபல்ல_கிராமம், # பல்லபுரத்து_மக்கள், #அந்தமான்_நாயக்கர் என முப்பரிணாமங்களான (Triology) படைப்பு.

#கி_ரா_வின்_கோபல்ல_கிராமம், #

பல்லபுரத்து_மக்கள், 

#அந்தமான்_நாயக்கர் என முப்பரிணாமங்களான (Triology) படைப்பு.

-------------------------------------

கி.ரா., (ராயங்கால் ஸ்ரீ கிருஷ்ண ராஜநாராயணப் பெருமாள் ராமாநுஜன்) தான் பிறந்த மண்ணையும் மக்களையும் பற்றி விரிவாக “கோபல்ல கிராமம்” (1976), “கோபல்ல புரத்து மக்கள்” (1990), “அந்தமான் நாயக்கர்” (1995) என்று மூன்று படைப்புகளை வழங்கியுள்ளார். கோபல்ல கிராமம் படைப்பை லட்சுமி கிருஷ்ணமூர்த்தியின் வாசகர் வட்டம் முதன்முதலாக வெளியிட்டது. பின் கவிஞர் மீராவின் அகரமும் அதன் அடுத்த பதிப்புகளை வெளியிட்டது. கோபல்லபுரத்து மக்கள் ஆனந்த விகடனில் 34 வாரங்கள் தொடராக வந்தது. அந்தமான் நாயக்கர் தினமணி கதிரில் தொடராக வந்தது. கி.ரா.வின் கோபல்ல கிராமம், கோபல்லபுரத்து மக்கள், அந்தமான் நாயக்கர் என முப்பரிணாமங்களான (Triology) படைப்பு.

இவரது ‘கோபல்ல கிராமம்’ அது உருவாக அம்மக்கள் தங்களோடும் பிறரோடும் நிகழ்த்திய போராட்டத்தை விளக்கும். அத்துடன் அவர்கள் காக்கத்தியத்திலிருந்து இடம்பெயர்ந்து குடியேறியதும் வளர்ந்ததும் இதில் சொல்லப்பட்டது. நா. வா. சொன்னது போல ஒரு குழுவின் நாட்டுமரபான வரலாற்றைக் கூறும் நாட்டார் கதையம்சம் கொண்ட இதில் பிரிட்டிஷ் கிழக்கிந்திய கம்பெனியின் துவக்கம், அதன் இறுதி நாட்கள், 1940களில் விடுதலைப் போராட்டமும், விடுதலையைப் பெற்றது எல்லாம் விவரிக்கப்பட்டுள்ளன.

கோபல்லபுரத்து மக்களில் விடுதலைப் போராட்ட வரலாற்றினை சாதாரண மக்களை நாயகர்களாக்கிச் சொல்லப்பட்டுள்ளது. கிட்டப்பனும் அச்சிந்தலுவும் கொண்ட காதல் கதையுடன் விடுதலைப் போராட்டம் எவ்வாறு அந்தக் கிராமத்தைப் பாதித்தது என்பதும் படைக்கப்பட்டுள்ளது.

அந்தமான் நாயக்கர் கதை என்பது ஒரு குற்றமும் அறியாத விவசாயி ஒருத்தனை சுதந்திர இந்தியாவின் போலீஸ் அடித்தே கொன்று போடுகிறது. வெள்ளை அரசை எதிர்த்து நடந்த கொடிப் போராட்டத்தின் போது அந்த விவசாயி மூவர்ணக் கொடியை மரத்தில் கட்டினான். அதற்குத் தண்டனை அந்தமான் சிறைவாசம். விடுதலைக்குப் பின்னும் சாதாரண மக்களின் போராட்டம் தொடர்கிறது. விடுதலைக்கு முன்னும் பின்னும் வேதனைப்பட்டது என்னவோ இவர்கள்தான். ‘‘சுதந்திர இந்தியாவிலும் வெள்ளைக்காரன் ஏதோ ஒரு உருவத்தில் இங்கே இருக்கவே செய்கிறான்’’ என்பது தான் உண்மை. 

இந்த மூன்று படைப்புகளும் ஓர் குக்கிராமத்தில் நகர்வதையும், மரத்தின் கீழே உள்ள ஒரு கயிற்றுக் கட்டிலிலிருந்தும், விடியலில் ஓட்டு வீட்டிலில் இருந்தும் எழுதப்பட்ட இந்த படைப்புகள் நகர்ப்புறத்திலும் கொண்டாடப்பட்டது தான் சிறப்பு.

இந்த படைப்பு கதைசொல்லியாகவும் உள்ளது. ஒரு சமுதாயத்தின் வரலாறாகவும் உள்ளது. It is folklore, fiction and non-fiction என்று உள்ளடக்கி படைக்கப்பட்ட படைப்பு என்றைக்கும் சிரஞ்சீவியாக விளங்கும்.

*கோபல்லபுர கிராமம் கடைசி அத்தியாயம் (40) கி.ரா.வின் கைவண்ணம் நாட்டுக்கொரு வரலாற்றுச் செய்தியை சொல்கின்றது. 

“விட்டில் பஞ்சத்தின்போது ஜனங்கள் இங்கே பட்ட துயரத்தைப் பிரஸ்தாபித்து, அது சமயம் கோட்டையார் செய்த உபகாரத்தை அவர்கள் பெரிதும் சிலாகித்தார்கள். 

நன்றி சொன்னார்கள்.

இனிமேல் அரசு இப்படி சமயங்களில் மெத்தனமாக இருக்காது என்றும், விரைந்து வந்து உதவும் என்றும் உறுதி சொன்னார்கள்.

அரசாங்க விரோத சக்திகளுக்கு யாரும் ஒத்துப்போகக் கூடாது. வதந்திகளை யாரும் நம்பவேண்டாம் என்ற கேட்டுக்கொண்டார்கள்.

பாரம்பரியமாகவே நீங்கள் ராஜ விஸ்வாசம் கொண்ட மக்கள். மகாராணி விக்டோரியா உங்களுக்கு வேண்டிய எல்லாவித நன்மைகளையும் செய்யவே எங்களை இங்கே அனுப்பி இருக்கிறார்கள் என்றார்கள்.

அங்கே கூடியிருந்த அனைவருக்கும் இது நல்லதாகவே பட்டது.

ஏகோபித்த நம்பிக்கையுடன் அவர்கள் விக்டோரியா மகாராணியின் ஆட்சியை மனப்பூர்வமாக ஏற்றுக்கொண்டார்கள்.

ஆனால், நாட்கள் செல்ல செல்ல அந்த நம்பிக்கை மெல்ல மெல்ல சிதிலமடைந்ததையும், நாட்டின், அந்த கிராமத்தின் மக்களுடைய சுதந்திர ஆவேசம் நீறுபூத்த நெருப்பாக இருந்ததையும் வெள்ளை ஆட்சி கண்டுகொள்ளவில்லை. 

நிலவிய அப்போதைய அமைதி, வரும் ஒரு புயலுக்கு முன்னுள்ளது என்பதை அறியவில்லை யாரும்.”

*கோபல்லபுரத்து மக்களின் தனது இரண்டாவது பாகத்தில் கி.ரா. அத்தியாயம் 27இல் குறிப்பிடுகிறார்; 

கோபல்ல புரத்தின் தோற்றத்தைப் போலவே அந்த மக்களின் மன இயல்பும் மெதுவாக மாற்றமடைந்து கொண்டே வந்தது. பழக்க வழக்கங்களை விட, ஆடை அணிகள் போன்ற உடம்பு சம்மந்தப்பட்ட காரியங்களில் மட்டும் வெகு துரிதமான மாற்றம் காண முடிந்தது. பாதிப் பேருக்கு மேல் இளம் தலைமுறையினர் தங்கள் குடுமியை வெட்டி எறிந்துவிட்டு “சேக்கு” (கிராப்) வெட்டிக் கொண்டார்கள். முத்து நாயுண்டு தன்னுடைய கொண்டையை எடுத்து விட்டு கிராப் வெட்டிக் கொள்ளப் போகிறார் என்று கேள்விப்பட்டதும் அந்த முடியைப் பெற பலத்த போட்டி ஏற்பட்டது பெண்களிடையே. அவருடைய தலைமுடியின் அடர்த்தியும் நீளமும் பெண்களுக்கு மத்தியில் எப்பவும் ஒரு பேச்சாக இருக்கும். கடைசியில் அத அப்பிநாயுண்டு வீட்டுப் பெண்களுக்குக் கிடைத்தது.

பொன்னையனாசாரியைக் கூட்டிக் கொண்டு வந்து அந்த வெட்டிய முடியை சன்னமான வெள்ளிக் கம்பியால் முடிக் கொத்தின் மேல் நுனியை அழகாக இறுக்கிக் கொடுக்கச் சொல்லிப் பெற்றுக் கொண்டார்கள். அந்த முடி மிக நீண்ட நாள் அந்தக்குடும்பத்தின் மதிப்புக்குரிய சொத்தாக இருந்தது. பல கல்யாணங்களுக்கு வந்து வாங்கிக் கொண்டு போவார்கள் மணப்பெண்ணின் முடிசிங்காரித்தலுக்கு.

---

தாலுகா போர்டுகளை கலைத்துவிட்டு பெரியளவில் ஜில்லா போர்டு என்று அமைத்து அதனிடம் கல்வி, சுகாதாரம், காலைகள் பராமரிப்பு முதலிய பொறுப்புகள் ஒப்படைக்கப்பட்டது.

இதனால், கோபல்லபுரத்தில் ஜில்லா போர்டு ஆண்கள் பாடசாலை, ஜில்லா போர்டு பெண்கள் பாடசாலை என்று இரண்டு பள்ளிக் கூடங்கள் ஏற்பட்டது.

ஜில்லாவின் பல பகுதிகளிலிருந்தும் அந்த கிராமத்துக்கு வாத்தியார்களும் வாத்தியாரம்மாக்களும் தங்களோடு பல்வேறு வகையான விடயங்களோடும் வந்து தங்க நேர்ந்தது.

முக்கியமாக, எழுதப்படிக்க பெண்கள் கற்றுக் கொண்டதை விட வாத்தியாரம்மாக்களிடம் அவர்கள் பார்த்துக் கற்றுக் கொண்டதுதான் ரொம்ப. குமருப்பெண்டுகளிடம் இது வேகமாகப் பரவியது. உச்சி வகிடு பக்கவகிடாகியது. ரவிக்கை அணியும் வழக்கம் வந்தது. பதினாறு முழம் பன்னிரண்டு முழச் சேலையாகியது. உள்பாவாடை, உள்பாடி என்று வந்தது. மாராப்பு சரிந்து விழாமல் இருக்கவும் அலங்காரத்துக்காகவும் புரூச்குத்திக் கொள்ளும் வழக்கம் ஏற்பட்டது. வாசனைச் சோப்பு போட்டுக்குளிக்கும் பழக்கம் கூட வந்துவிட்டது.

பெரிய குடும்பங்களில் மட்டும் முன்பெல்லாம் சீவில்லிப்புத்தூர் போனால் ஆண்டாள் கோவிலில் தரும் ஸ்நானப் பவுடர் வாங்கிக் கொண்டு வந்து தேய்த்துக் குளிக்கும் பழக்கம் பெண்களிடம் இருந்தது. அதையொட்டி இவர்களும் பலவாசனாதிப் பொருள்களை சேர்த்து இடித்து தேய்த்துக் குளிப்பதற்கென்றே குளியல்த்தூள் தயாரித்து வைத்துக் கொள்வது என்றிருந்தது. இந்த வாசனைச் சோப் வந்தபிறகு அதை கைவிட ஆரம்பித்தார்கள்.

************

‘கி.ராஜநாராயணன் கடிதங்கள்’

தமிழின் மூத்த படைப்பாளியான கிரா அவர்கள், தமிழிலக்கியத்துக்கு ஆற்றிய தொண்டு அளப்பரியது.  சிறுகதை மற்றும்  நாவலாசிரியர், கட்டுரையாளர், நாட்டுப்புறக்கதை மற்றும் கரிசல் வட்டார வழக்கு அகராதியின் தொகுப்பாளர், பல்கலைக்கழகச் சிறப்புப் பேராசிரியர் என்ற பன்முகங்கொண்ட கி.ரா, கடித இலக்கியத்திலும், தம் முத்திரையைப் பதித்துள்ளார்.

சம காலத்துத் தமிழிலக்கிய படைப்பாளிகளுக்கு, இவர் எழுதிய கடிதங்கள்  ‘கி.ராஜநாராயணன் கடிதங்கள்,’  என்ற தலைப்பிலும், அவர்களின் மறுமொழிகள், ‘அன்புள்ள கி.ரா.வுக்கு,’ என்ற தலைப்பிலும், நூலாக்கம் பெற்றுள்ளன.  ‘கு.அழகிரிசாமி கடிதங்கள்,’ என்ற தனிநூலும் வெளிவந்துள்ளது.  

‘கடிதங்கள் எழுதுவதிலும், கடிதங்களைப் படிப்பதிலும் உள்ள சந்தோஷம் புஸ்தகங்களில் இல்லை,” என்று குறிப்பிடும் கி.ரா, முப்பது வயதுக்குப் பிறகே கதைகள் எழுதத் துவங்கியதாகவும், அதற்கு முன் எழுத்தாளர் நண்பர்களுக்குப் பக்கம் பக்கமாகக் கடிதங்கள் எழுதிக் குவித்ததாகவும்,  ஒரு பேட்டியில் கூறியிருக்கிறார். ஆகவே அவரிடமிருந்த எழுத்துத் திறமையை வெளிக் கொணர்ந்து, எழுத்தை அவர் வசப்படுத்திய பெருமை, கடிதங்களையே  சேரும்.

உடல் நலம் குறித்த விசாரணை, குடும்பத்தினர் குறித்த தகவல் பரிமாற்றம் ஆகியவை மட்டுமின்றி, அக்கால இலக்கிய நிகழ்வுகள்,  சமூக சிந்தனை, எழுத்தாளர்களின் மனவோட்டம், ராயல்டியை எதிர்பார்த்து ஏங்கும் வறுமையான வாழ்க்கைச் சூழல், தனிப்பட்ட குணாதிசயங்கள், நுட்பமான அனுபவங்கள்,  வாசித்த பல்வேறு படைப்புகள் குறித்த விமர்சனங்கள்  போன்ற அரிய விபரங்களும், உண்மைகளும் இக்கடிதங்களில் பதிவு செய்யப்பட்டுள்ளமையால், இவை வரலாற்று ஆவணங்களாகப் போற்றிப் பாதுகாக்கப்பட வேண்டியவை.

பள்ளி நண்பர்கள் தங்களுக்குள் பகிர்ந்து கொள்ளும், மலரும் நினைவுகளை வாசிக்கும் ஒவ்வொருவரும், தன் பால்யத்துக்குச் சென்று, மீள்வது உறுதி.   

சக மனிதரின் துன்பங்கண்டு துடிக்கும், இவர் மனநிலையைப் பல கடிதங்கள் எடுத்தியம்பு கின்றன.  வானம் பார்த்த பூமியான கரிசல் மக்களின் வாழ்க்கைப் பாட்டையும், மழையின்றிப் படும் துன்பத்தையும், கொஞ்சங் கொஞ்சமாக விவசாயம் அழிந்து வருவதையும், பல கடிதங்களில் இவரும் ஒரு விவசாயி என்பதால், உணர்வு பூர்வமாகப் பதிவு செய்திருக்கிறார்,  ஒவ்வொரு கடிதத்தின் முடிவிலும், அப்போதைய விவசாயப் பணிநிலவரம் குறித்து, எழுதத் தவறவில்லை.     

  

“இங்கே இந்த தீபாவளிக்கு, ஜனங்கள் அரிசி வடிக்கவில்லை; கண்ணீர் வடித்தார்கள்.

உணவுப் பற்றாக்குறை நீங்கினால், அறிவுப்பற்றாக்குறையும், தானாக நீங்கிவிடும்.  புண் ஆறிவிட்டால், பொருக்கு தானாகவே, விழுந்துவிடும்  மாதரி.  சோற்றுக்குள்ளே இருக்கான், சொக்கநாதன்”.

பாமர மக்களின் பேச்சு, பாட்டு, வசவு, தாலாட்டு, விளையாட்டு, நாடோடிக்கதைகள் ஆகியவற்றில் தாம், நம் மொழி உயிர் மூச்சுடன் விளங்குகிறது என்பதிலும், நாடோடிப் பாடல்களும், காட்டுப் பாடல்களும் இலக்கியத்தில் வைக்க வேண்டிய சமதையுடையவைகள் என்பதிலும் இவருக்கு அசைக்க முடியாத நம்பிக்கை.

“சோளம் விதைக்கயிலே

சொல்லீட்டுப் போன மச்சான்

சோளம் பயிராச்சே

சொன்ன சொல்லும் பொய்யாச்சே!”

 பெண்ணின் காதல் ஏக்கத்தை அழகாகவும், எளிமையாகவும் வெளிப்படுத்தும், இந்த நாடோடிப் பாடலை எடுத்துக் காட்டி, ஷேக்ஸ்பியரையும், விக்டர் ஹுயுகோவையும் கரைத்துக் குடித்தவர்களால், இப்படி ஒரு பாடல் எழுத முடியுமா?” என்று கேட்கிறார்.

எந்த ஒரு காட்சியையும் நேர்முக வர்ணனை போல், துல்லியமான விவரங்களுடன்  விவரிப்பதில் கி.ரா வல்லவர்.  மலை மாட்டின்  துஷ்ட நடவடிக்கை களை, நாம் நேரில் பார்ப்பது போல் துல்லியமாக விவரித்து, அதை வம்பு செய்யும் மனதுக்கு ஒப்பிட்டிருப்பது, புதுமை.  மனம் ஒரு குரங்கு என்று  சொல்வதைத் தான், இதுவரை நாம் கேட்டிருக்கிறோம்.   

கடிதங்களில் ஆங்காங்கே கவித்துவமான வரிகளுக்கும் பஞ்சமில்லை.  தண்ணீரைப் பற்றிய அழகான வர்ணனை இது:-

“எத்தனை நிறப் பிறப்புகளில் தான், இந்தத் தண்ணீர் விளங்குகிறது!

வெள்ளி நுரையாக வழியும் குற்றால அருவித் தண்ணீர், பச்சை நிறமாக விளங்கும் திருச்செந்தூர் அலைகடல், நீலக்கம்பளத்தில் வெள்ளியால் ஆங்காங்கே ஜரிகைப் புட்டா இட்டது போலத் தெரியும் குமரிக்கடல், யானைக்கலரில் தெரியும், கரிசல் குளத்தின் புதுவெள்ளம்,  இப்படி 

(படம். கி.ராவும், மார்க்சிஸ்ட் கம்யூனிஸ்ட் கட்சியைச் சேர்ந்த முத்தையாவுடன் 1970களில் நடந்த நிகழ்வில்)

கே.எஸ்.இராதாகிருஷ்ணன்

26-10-2019.

#KSRPostings

#KSRadhakrishnanPostings

#கரிசல் இலக்கியம்

#கோபல்லபுரம்_கிராமம்

#கரிசல்_இலக்கியம்

#அந்தமான்_நாயக்கர்

#கி_ரா

#Stopping_by_Woods_on_a_Snowy #Evening #ROBERT_FROST

#Stopping_by_Woods_on_a_Snowy #Evening #ROBERT_FROST

————————————————-

  

The woods are lovely, dark and deep,   

But I have promises to keep,   

And miles to go before I sleep,   

And miles to go before I sleep.

Robert Frostன்  நேருவுக்கு பிடித்தமான வரிகள்.....

#ksrpost

24-10-2019.

. #வாயில்லாப்_பூச்சியின்_சபிக்கப்பட்ட #வாழ்க்கை ! #நெல்லை_ராமச்சந்திரன் குடும்பத்திற்கு இயற்கை அருள் புரியட்டும்

. 

#வாயில்லாப்_பூச்சியின்_சபிக்கப்பட்ட #வாழ்க்கை !

#நெல்லை_ராமச்சந்திரன் குடும்பத்திற்கு இயற்கை அருள் புரியட்டும்

-------------------------------

அவர் பெயர் ராமச்சந்திரன் என்பதே இன்றுதான் தெரியும். 30 வருசமா தெரிஞ்ச ஒருத்தர் பெயரை இன்று அறிவது என்பதே பைத்தியக்காரத்தனம்தான். திருநெல்வேலியின் எளிய மனிதர்களை எனக்கு அறிமுகம் செய்து வைக்கும் கவிஞர் கிருஷி எனக்கு இவரையும் அறிமுகம் செய்து வைத்தார்.

இவர் அவரது கடைக்கு அழைத்துச் சென்றார். நெல்லை ஜங்சன்  பேருந்து நிலையத்தின் வெளிப்புறத்தில் பிரம்மாண்டமான அரசன் பேக்கரியின் எதிர்புறம் வடிகால் மேல் சின்னப் பெட்டிக்கடை. குட்டியூண்டு கடை. உள்ளே ஆள் அமர்ந்திருப்பதே தெரியாத அளவிற்குத்தான் அதன் தோற்றமே.

" தம்பி" என சார்வாளின் குரல் கேட்ட மாத்திரத்தில் உள்ளிருந்து ஒரு கை, 

தேன் மிட்டாய் டப்பா மேல் ஒரு கோல்ட் பில்டர் சிகரெட்டை எடுத்து வைத்தது.

" தம்பி..இன்னோன்னு கொடுங்க.."

என்றதும் சிகரெட் வந்தது. அவர் குள்ளமாய் அமர்ந்திருந்த்து அப்போதுதான் தெரியும். 

" நம்ம நண்பர் ...கவனிச்சுக்கங்க.." 

என்றதும் விஷ் பண்ணினார். கை சற்று குழைவாய் சாய்ந்திருந்த்து.

கடையில் தேன் மிட்டாய், கடலை மிட்டாய் வகையறா..வாராந்திர இதழ்கள், நாளிதழ்கள்...மாங்காய், எலுமிச்சை ஊறுகாய் பாக கெட்டுகள், சாஷேயில் அடைக்கப்பட்ட தேங்காய் எண்ணெய், ஷாம்பூ வகையறாக்கள்...

ஒருமுறை ஜூனியர் விகடன் வாங்கும்போது, அமர்ந்தபடியே ஒரு ஹூக் வைத்த கம்பியால் லாவகமாய் எடுத்துக் கொடுத்தபோதுதான் தெரிந்தது அவர் ஒரு மாற்றுத் திறனாளி என்பது. 13 வயதில் இருந்தே இந்தக் கடையில் இருக்கிறாராம்.

அவர் வாழ்வே இந்தப் பெட்டிக்கடைக்குள் என்று அறிந்தபோது ஆச்சரியப்பட்டேன்.

வீட்டிற்கே செல்ல மாட்டார். வாரம் ஒருமுறை செல்வார். இங்கேயே ஒருக்களித்தபடி மர நாற்காலியில் உட்கார்ந்தே தூங்குவார். முன்புற தகர கதவை உட்புறமாக லேசாக சாத்திக் கொள்வதுண்டு. அதிகாலை 4 மணிக்கு எழுந்து, கடையின் பின்புறமுள்ள வடிகாலில் அமர்ந்து வெளிக்குப் போய்க் கொள்வார். பக்கத்தில் உள்ள மாநகராட்சி தண்ணீர் பைப்பில் இருந்து வாளியில் நீரை அள்ளி கழுவிக் கொள்வார். குடும்பம் எல்லாம் உண்டு. மனைவி, இரண்டு பெண் குழந்தைகள்..

( வயது 16, 11). தன்னம்பிக்கை அதிகம் கொண்டவர் நமது ராமச்சந்திரன்.

தமிழக அரசு தரும் மூன்று சக்கர வாகனம் உள்ளிட்ட எந்த சலுகைகளையும் பெற்றதில்லை.

" நாமே சுயமா சம்பாத்தியம் பண்ணனும் சார்.." என்பார். பிள்ளைகளை நல்லாப் படிக்க வைக்கணும் என்பார். போலியோ பாதிப்பினால் கால்கள் சூம்பிப் போயிருக்கும். தவழ்ந்தே நடப்பது குடும்பத்தினர் மட்டுமே அறிவர்.

நெல்லை மாநகர் பொலிவுறு நகராக மாறப் போகிறது இல்லையா?..பேருந்து நிலையத்தை இடித்து விட்டு 300 கோடி செலவில் புத்தம் புதுசாய் கட்ட போகிறார்கள். கடைகளைக் காலி பண்ணச் சொன்னார்கள். கால அவகாசம் முடிந்த நிலையில், கடைகளை இடிக்க ஆரம்பித்தது மாநகராட்சி.

ராமச்சந்திரன் தலையில் இடிவிழுந்த்து போலத்தான். என்ன செய்ய?

வேறெங்கே போக? மாற்று ஏற்பாடு எதுவுமில்லை. எங்கு போனாலும் இந்த " வசதி" அமையுமா என்ன?

குடும்பத்தில் ஆறுதல் சொன்னார்கள்.

வேறு இடத்தில் கடை போடலாம் என்றெல்லாம் சொன்னார்கள்.

வந்த வாடிக்கையாளர்களிடம், " நான் போராடப் போகிறேன், மாற்று இடம் கேட்டு " எனச் சொன்னார்.

நேற்று அதிகாலையில் 4 மணிக்கு கடையைத் தட்டிய போது உள்ளே இறந்து கிடந்தார்.

நாற்காலியில் அமர்ந்தநிலையில் பாவாடை நாடா துணியினால் கழுத்தை இறுக்கிய நிலையில் தற்கொலை செய்திருக்கக் கூடும் என்கிறார்கள்.

பொண்ணுங்க ரெண்டு பேரையும் நல்லா படிக்க வச்சுட்டாப் போதும்...கல்யாணம் எப்படியும் நடந்துரும் சார் என கண்களில் ஒளி வீசப் பேசிய ராமச்சந்திரன், ஒளியற்று இறந்து கிடந்தார். 48 வயசு என்றார்கள்.

ஏன் ராமச்சந்திரன் இப்படிச் செய்தீர்கள்?

வனங்களை அழித்து, பெரிய பெரிய தொழிற்சாலைகள் வரும்போதெல்லாம், விலங்குகள், பறவைகள் இடம் பெயர்ந்து சென்றுவிடும். கண்ணுக்குத் தெரியாத சிற்றுயிர்கள் புல்டோசர் கீழ் நசுங்கி

சிதைந்துபோகும். இறந்த உயிர்களைப் பற்றி யாரும் கவலைகொள்வதுமில்லை.

சபிக்கப்பட்ட வாழ்க்கை !