ப்ரியா சகோதரிகள் இன்றைய இசை உலகில் அறியபடுகின்ற ஆளுமைகளாவார்கள் . ஷண்முக ப்ரியா , ஹரி ப்ரியா என இரு சகோதரிகள் உச்சரிப்பும் சப்தஸ்வரங்களோடு உயிரோட்டத்தோடு பாடுகின்றனர். இவர்கள் பாடும் ஜீவன் கூடிய ரசனை ரசிகர்களை கட்டிப்போட்டு மெய்மறக்க செய்கிறது . இவர்கள் பாடும் அரங்கமே விறுவிறுப்போடு இயங்கும் .ப்ரியா சகோதரிகள் தமிழில் அற்ப்புதமாக ,உச்சரிப்புநயத்தோடு பாடுவதை பாராட்டவேண்டும் .
ப்ரியா சகோதரிகள் ஆந்திர மாநிலம் அமலா புரத்தில் பிறந்து இசையை கற்க சென்னைக்கு வந்தனர் . அறவே தமிழ் தெரியாது . ராதா –ஜெயலட்சுமி ஆகியோரிடம் இசையை பயின்று ; இந்தியா மட்டும் இல்லாமல் உலகெங்கும் இவர்களுடைய இசை கச்சேரிகள் நடக்கின்றன . இதற்க்கு பெரும் வரவேற்ப்பும் ஆதரவும் உண்டு .
கடந்த பத்தாண்டுகளாக இவர்களுடைய இசை நிகழ்ச்சிகளை கவனித்தது உண்டு . வெகு ஜனங்கள் கண்டு ரசிக்கும் ஜனரஞ்சகமான நிகழ்வுகளாக இவர்களுடைய நிகழ்சிகள் அமைகின்றன .
ப்ரியா சகோதரிகள் அடிப்படையில் தமிழ் தெரியாமல் தினத்தந்தி நாளேடு ,சினிமா விளம்பர சுவரொட்டிகளை பார்த்து எழுத்து கூட்டி படித்து சுயமாகவும் ஆர்வத்தோடும் தமிழை கற்றனர் . இந்த ஆர்வம் அவர்களை அருமையாக கன்னல் தமிழில் பாட செய்தது . முன்டாசு கவி பாரதியின் பலபாடல்களை இவர்கள் பாடியுள்ளனர் . பாரதியின் பாடல்களில் கம்பீரமும் போர் குணமும் உண்டு . அந்த கம்பீரத்தை லாவகமாக கையாண்டு பாரதியின் பாடல்களை ப்ரியா சகோதரிகள் பாடும் போது நமக்கே உடலில் உள்ள மயிர்கால்கள் எழுந்து நிற்பது போல உணர்வு ஏற்படும் . பாரதி இன்று உயிரோடு இருந்திருந்தால் இவர்கள் பாடும் பாரதி பாடல்களைகேட்டு இதய சுத்தியோடும் மகிழ்ச்சியோடும் பாராட்டி இருப்பார் .
என்னுடைய கைபேசியின் கேட்க்கும் பாடலாக பாரதியின் நெஞ்சுக்கு நீதி ....என்ற ப்ரியா சகோதரிகள் பாடிய பாடலை வைத்து இருந்தேன் . தலைவர் கலைஞர் அவர்கள் என்னுடைய செல்பேசியில் என்னை அழைத்த போது என்னய்யா ? இந்த பாடல் நல்லா இருக்குய்யா ! இந்த குரல் யாருடையதுய்யா ?என்று கேட்டார் . தலைவர் கலைஞர் அவர்கள் ஏற்கனவே நெஞ்சுக்கு நீதியை எழுதியவர் . நான் ப்ரியா சகோதரிகள் என்றேன் .அதற்க்கு தலைவர் கலைஞர் அவர்கள் நல்லா இருக்குய்யா வளமான குரல் என பாராட்டினார் .
.தமிழ் தெரியாமல் தமிழகத்துக்கு வந்து ஆர்வத்தில் தமிழ் கற்று அருமையாக தமிழில் ப்ரியா சகோதரிகள் பாடுவதை நாம் பாராட்ட வேண்டாமா ?
@priyasisters
https://www.google.co.in/url…
https://www.google.co.in/url…
https://www.google.co.in/url…
https://www.google.co.in/url…
https://www.google.co.in/url…
https://www.google.co.in/url…
#ப்ரியாசகோதரிகள் #priyasisters #கலைஞர்
#KSRPOSTING #KSRADHAKIRUSHNANPOST
கே.எஸ் .இராதாகிருஷ்ணன்
06/01/2017
No comments:
Post a Comment