வாழ்க்கை

#*வாழ்க்கை* 

———————-

உங்கள் கணிப்புகள், உங்கள் அச்சங்கள், உங்கள் அதிகாரங்கள், உங்கள் சுயநலங்கள் இவை அனைத்தும் புரிதலுக்கு தடையாக இருக்கிறது.

நீங்கள் என்னுடன் உடன்படுவதை நான் விரும்பவில்லை.

நீங்கள் என்னைப் பின்தொடர்வதை நான் விரும்பவில்லை.

நான் சொல்வதை நீங்கள் புரிந்து கொள்ள வேண்டும் என்று விரும்புகிறேன்.

அறிவு அவசியம்; வாழ்க்கையில் அதற்கென்று வரையறுக்கப்பட்ட இடம் உள்ளது. துரதிர்ஷ்டவசமாக, இந்த வரம்பு நம் வாழ்நாள் முழுவதையும் விழுங்கி விடுகிறது.

எனவே, கற்றலுக்கான இடமில்லாமல் போகிறது.

நமது வாழ்வாதாரத்தை சம்பாதிப்பதில் நாம் மிகவும் ஆக்கிரமிக்கப்பட்டுள்ளோம். அது இயந்திரத்தனமான சிந்தனையின் அனைத்து ஆற்றலையும் எடுத்துக்கொள்கிறது. அதனால், நாம், நாளின் முடிவில் சோர்வடைந்து விடுகிறோம்; எனவே நமக்கு தூண்டுதல் தேவைப்படுகிறது.

பொழுதுபோக்கின் மூலம் இந்த சோர்விலிருந்து மீள்கிறோம் - அது மதமோ அல்லது வேறு எதுவோ.

இதுதான் மனிதர்களின் வாழ்க்கையாக உள்ளது.

மனிதர்கள் தங்கள் நேரத்தையும், ஆற்றல்களையும், வாழ்கையையும் முழுமையாக கோரும் ஒரு சமூகத்தை உருவாக்கியுள்ளனர். எனவே, கற்றுக்கொள்வதற்கு ஓய்வு இல்லை.

அதனால் வாழ்க்கை இயந்திரமயமாகிறது; கிட்டத்தட்ட அர்த்தமற்றதாக ஆகிறது.

ஓய்வு என்பது மனம் எதிலும் ஈடுபடாத ஒரு காலம். இது கவனிப்புக்கான காலம்.

ஆக்கிரமிக்கப்படாத மனம் மட்டுமே கவனிக்க முடியும்.

இந்த கவனிப்புதான் கற்றல் என்னும் இயக்கம்.

இது மனதை இயந்திரத்தனத்திலிருந்து விடுவிக்கிறது.

நம்மிடம் நிறைய முகமூடிகள் உள்ளன. நாம் அவற்றை எளிதாக அணிந்து, நம் சொந்த மனம் மற்றும் இதயத்தின் தனியுரிமையில் மட்டுமே அவற்றை கழற்றுகிறோம். 

மற்றும் நம் தனிப்பட்ட வாழ்க்கையிலும் - ஒருவர் தீவிரமாக அல்லது விழிப்புடன் கவனித்தால் - பல்வேறு முகமூடிகள் உள்ளன. 

நண்பர்களுடன், நாம் ஒரு முகமூடியை அணிவோம்; குடும்பத்தின் நெருக்கத்தில் நமக்கு மற்றொரு முகமூடி உள்ளது. நாம் தனியாக இருக்கும்போது - ​​​​எப்போதாவது தனியாக இருந்தால் - முற்றிலும் மாறுபட்ட முகமூடியைப் அணிகிறோம். 

நம்மிடம் இருக்கும் ஒவ்வொரு முகமூடியும் ஒன்றுக்கொன்று முரணாக உள்ளது. நம்மில் பெரும்பாலோருக்கு இவை பற்றித் தெரியாது; பல்வேறு தாக்கங்கள் மற்றும் அழுத்தங்களுக்கு ஏற்ப நம்மை மாற்றிக் கொண்டு, முகமூடிகள் கட்டளையிடுவதைப் பொறுத்து செயல்படுகிறோம். 

எனவே நாம் வாழ்வில் இறுதி வரை முரண்பாடான வாழ்க்கை வாழ்கிறோம்.

•••

• பிறப்பிற்கும் இறப்பிற்கும் நடுவில் நடக்கும் ஓட்டப்பந்தயம்.வாழ்க்கை என்பது ஒட்டப்பந்தயமா?

 இன்பங்களும் துன்பங்களும் கலந்ததுதான் வாழ்க்கை. வாழ்க்கை என்பது இன்பம் மட்டும் துன்பமா?

• சிலர் இங்கு பாசத்துக்காக ஏங்குகின்றனர்

• சிலர் பணத்திற்காக ஏங்குகின்றனர்.

• சிலர் பதவி, பொன், பொருள் ஆகியவதிற்காக ஏங்குகின்றனர்.

• சிலர் உடுத்த உடை இன்றி ஏங்குகின்றனர்.

• சிலர் உண்ண உணவின்றி ஏங்குகின்றனர்.

இப்படி ஏங்கி ஏங்கியே சிலரின் வாழ்கை முடிந்து விடுகின்றது. வாழ்கை என்பது ஏக்கமா?

• பணக்காரனோ பணம் இன்னும் சம்பாதிக்க வேண்டும் என்று ஓடுகிறான்.

• ஏழையோ பணமே தம்மிடம் இல்லை என்று பணத்தை தேடி ஓடுகிறான்…

வாழ்கை என்பது பணமா?

• சிலர் வாழ்க்கையில் எதையேனும் சாதிக்கவேண்டும் என்று ஓடுகின்றனர். வாழ்க்கை என்பது சாதனை செய்வதா?

• சிலர் வாழ்க்கைக்கு நல்ல கல்வி, அறிவு வேண்டும்(அவசியம் ) என்கின்றனர். வாழ்க்கை என்பது கல்வியும் அறிவும் மட்டும் தான?

• சிலர் மீது நம்பிக்கை வைத்தே ஏமாந்து போகின்றோம் நம்மில் சிலர். வாழ்கை என்பது ஏமாற்றமா?

• சென்றவர்களை எண்ணியே மனமுடைந்து கண்ணீர் விடுகின்றோம். வாழ்க்கை என்பது கண்ணீர் வடிப்பது மட்டும்தானா?

• இங்கு நாம் சந்திக்கும் ஒவ்வருவரும் நமக்கு ஒரு பாடத்தினை காப்பிக்கின்றனர். வாழ்க்கை என்பது பாடம் கற்பதா?

• சிலர் கனவுகளை துரத்தி செல்ல இயலாமல் இருக்கின்றனர். வாழ்க்கை என்பது கனவு மட்டும் தான?

ஓடி ஆடி முடித்த பின்பு இங்கு ஓய்வெடுக்க மிஞ்சுவது கல்லறையே !!

• இருபதிலும் வாழ்க்கையை தொலைத்தவர் இங்கு உண்டு, அறுபதிலும் இங்கு வாழ்க்கையை பெற்றவரும் உண்டு…

கல்லறையிலும் இங்கு புதைந்த வாழ்க்கையை தேடுபவர் யாரோ !

#வாழ்க்கை  #lifecoaching

#கேஎஸ்ஆர்போஸ்ட்

#ksrpost

21-2-2024.