இந்தக் கால்வாய், கோணலாக இருந்தாலும், திட்டமிட்டு தொழில்நுட்பத்தோடு கட்டப்பட்டது. கடல் மட்டத்திலிருந்து 534 அடி உயரத்தில் உள்ளது. முடிகிற இடமான நொய்யலில் கடல் மட்டம் 412 அடியாகும். நேர்கோட்டில் 50 கிலோ மீட்டர் பாய்கின்றது. துவங்கும் இடத்திலிருந்து மேடு பள்ளங்களை தாண்டி செல்வதற்காக சற்று வளைந்து நெளிந்து கோணல் வடிவில் உள்ளது. ஆகவே இதனால் 90 கிலோ மீட்டர் அளவு நீர் பாயும் தொலைவும் உள்ளது.
காளிங்கராயன் மூலமாக 786 மதகுகள் வழியாக 15,743 ஏக்கர் விவசாய நிலங்கள் பயன்பெறுகின்றன. இது ஒரு கணக்கென்றாலும், இதற்கு மேலும் பயன்பாட்டில் உள்ள நிலங்களும் உள்ளன. இவ்வளவு திட்டமிட்டு கட்டிய காளிங்கராயன் யார் என்று பார்த்தால் ஊத்துக்குளி பாளையக்காரர் ஆவார்.
தாராபுரம் துக்குடி பொள்ளாச்சி தாலுக்கா பகுதியின் பாளையமாகும். பழங்காலத்தில் சோழநாட்டில் தொண்டை மண்டல வேளாளர் என்று அறியப்பட்ட பசுங்குடி மக்கள் என்று அழைக்கப்பட்டு, கொங்கு மண்டலத்தில் கோலோச்சிய வம்சாவளியைச் சார்ந்தவர்தான் காளிங்கராயன். காளிங்கராயனைப் பற்றி முழுமையாக பதிவிட வேண்டுமென்றால் பெரிதாகிவிடும். அது குறித்து விரிவான பதிவை என்னுடைய வலைதளத்தில் செய்ய உள்ளேன்.
No comments:
Post a Comment