20 june

 

While reading…

While reading…
 

காவேரி கலாநிதிக்கு 87.5 கோடி சம்பளம், தயாநிதி மாறன் வழக்கு. ! -

#தயாநிதிமாறன், #கலாநிதிமாறன்-(அன்பு- புகழ் சண்டைகள்) #SunTV

காவேரி கலாநிதிக்கு 87.5 கோடி சம்பளம், தயாநிதி மாறன் வழக்கு. ! -

•••

முன்னாள் மத்திய அமைச்சரும், திமுக நாடாளுமன்ற உறுப்பினருமான தயாநிதி மாறன், தனது அண்ணன் கலாநிதி மாறனுக்கு சட்ட நோட்டீஸ் அனுப்பியுள்ளார். இந்த நோட்டீஸில், கலாநிதி மாறன் 2003 ஆம் ஆண்டு முதல் பல மோசடி பரிவர்த்தனைகள் மூலம் SUN TV நெட்வொர்க் லிமிடெட் நிறுவனத்தின் கட்டுப்பாட்டை சட்டவிரோதமாகப் பெற்றதாகக் குற்றம் சாட்டப்பட்டுள்ளது.

முக்கிய குற்றச்சாட்டுகள்:

கட்டுப்பாட்டைப் பெற சதி: ஜூன் 10 அன்று அனுப்பப்பட்ட இந்த சட்ட நோட்டீஸில், கலாநிதி மாறன் மற்றும் அவரது மனைவி காவேரி, மூத்த நிதி ஆலோசகர்கள், குடும்பத்தின் பட்டயக் கணக்காளர், நிறுவன அதிகாரிகள் மற்றும் நெருங்கிய கூட்டாளிகள் உட்பட ஏழு பேர், குடும்பத்தால் ஊக்குவிக்கப்பட்ட ஊடக நிறுவனத்தில் கட்டுப்பாட்டுப் பங்குகளைப் பெறுவதற்காகத் திட்டமிட்ட மற்றும் அங்கீகரிக்கப்படாத சதி செய்ததாகக் குற்றம் சாட்டப்பட்டுள்ளது.

மோசடி பரிவர்த்தனைகள்: இந்தச் சதி, மோசடியான பங்கு ஒதுக்கீடுகள், போலியான ஆவணங்கள் மற்றும் கார்ப்பரேட் நிர்வாகத்தில் முறைகேடுகள் மூலம் செயல்படுத்தப்பட்டதாகக் கூறப்படுகிறது. இந்த சட்ட நோட்டீஸ் சென்னையைச் சேர்ந்த 'லா தர்மா' வழக்கறிஞர் கே. சுரேஷ் மூலம் அனுப்பப்பட்டுள்ளது.

முரசொலி மாறனின் மரண படுக்கையில் மோசடி: தயாநிதி மற்றும் கலாநிதியின் தந்தையான முன்னாள் மத்திய அமைச்சர் முரசொலி மாறன் 2002 ஆம் ஆண்டின் பிற்பகுதியிலிருந்து நவம்பர் 2003 இல் இறக்கும் வரை கோமாவில், உயிர்வாயு கருவி உதவியில் இருந்தபோது இந்த மோசடி பரிவர்த்தனைகள் நடந்தன.

சட்டவிரோத பங்கு ஒதுக்கீடு: 2003 செப்டம்பர் 15 அன்று, முரசொலி மாறன் அமெரிக்காவிலிருந்து சென்னைக்கு அழைத்து வரப்பட்ட சில நாட்களுக்குப் பிறகு, கலாநிதி மாறன் அப்போதைய SUN TV பிரைவேட் லிமிடெட் நிறுவனத்தில் 12 லட்சம் பங்குகளை தலா ரூ.10 முக மதிப்பில் தனக்கு ஒதுக்கீடு செய்தார். அப்போது ஒரு பங்கின் மதிப்பு ரூ.2,500 முதல் ரூ.3,000 ஆகவும், நிறுவனத்தின் இருப்பு மற்றும் உபரி ரூ.253 கோடிக்கு மேல் இருந்ததது. இந்த ஒதுக்கீடு, வாரிய அல்லது பங்குதாரர் ஒப்புதல் இல்லாமல் செய்யப்பட்டதாகவும், இது கலாநிதிக்கு ஒரே இரவில் 60% பங்குகளை வழங்கியது, அசல் புரமோட்டர்களான முரசொலி மாறன் மற்றும் மறைந்த எம். கருணாநிதி குடும்பங்களின் பங்குகள் தலா 50% லிருந்து தலா 20% ஆகக் குறைக்கப்பட்டதாகவும் நோட்டீஸ் கூறுகிறது. இந்த பங்குகளின் நியாயமான சந்தை மதிப்பு ரூ.3,500 கோடிக்கும் மேல் இருந்திருக்க வேண்டும் என்றும், ஆனால் கலாநிதி மாறன் ரூ.1.2 கோடி மட்டுமே செலுத்தியதாகவும் மதிப்பிடப்பட்டுள்ளது.

பங்கு மாற்றத்தில் முறைகேடுகள்: 2003 நவம்பர் 26 அன்று, முரசொலி மாறன் இறந்த மூன்று நாட்களுக்குப் பிறகு மற்றும் அவரது மரணச் சான்றிதழ் வழங்கப்படுவதற்கு இரண்டு நாட்களுக்கு முன்பு, அவரது பெயரில் இருந்த 95,000 பங்குகள் அவரது மனைவி மல்லிகா மாறனுக்கு சட்ட வாரிசு சான்றிதழ் அல்லது முறையான அங்கீகாரம் இல்லாமல் மாற்றப்பட்டது, இது நிறுவனத்தின் நிறுவன விதிகளுக்கு எதிரானது. இந்த பங்குகள் பின்னர் கலாநிதிக்கு மாற்றப்பட்டது.

பிற நிறுவனங்களிலும் மோசடி: இதேபோன்ற பரிவர்த்தனைகள் குங்குமம் பதிப்பகங்கள், குங்குமம் நிதியகம் மற்றும் கல் இன்வெஸ்ட்மென்ட்ஸ் (சென்னை) போன்ற பிற குடும்பத்திற்குச் சொந்தமான நிறுவனங்களிலும் நடந்ததாகக் கூறப்படுகிறது. இந்த நிறுவனங்கள் SUN TV இல் மொத்தம் 2.85 லட்சம் பங்குகளை வைத்திருந்தன. இந்தப் பங்குகளும் தலா ரூ.10 க்கு கலாநிதிக்கு மாற்றப்பட்டதாகக் கூறப்படுகிறது. மாறாக, முன்னாள் முதல்வர் கருணாநிதியின் மனைவி எம்.கே. தயாளுவிடம் இருந்து வாங்கப்பட்ட பங்குகள் அதே காலகட்டத்தில் ஒரு பங்குக்கு ரூ.3,173.04 ஆக வாங்கப்பட்டதாக நோட்டீஸ் தெரிவிக்கிறது.

ஐபிஓவில் தவறான தகவல்கள்: SUN TV இன் 2006 ஐபிஓவுக்கு முன் தாக்கல் செய்யப்பட்ட ரெட் ஹெர்ரிங் பிராஸ்பெக்டஸில் செய்யப்பட்ட வெளிப்படுத்தல்களையும் நோட்டீஸ் சவால் செய்கிறது. 2005 டிசம்பரில் மல்லிகா மாறனுக்கு செலுத்தப்பட்டதாகக் காட்டப்பட்ட ரூ.10.64 கோடி ஈவுத்தொகை ஒருபோதும் விநியோகிக்கப்படவில்லை என்றும், ஐபிஓ பிராஸ்பெக்டஸ் முந்தைய உள் பங்கு மாற்றங்களின் உண்மையான தன்மையை மறைத்ததாகவும் குற்றம் சாட்டப்பட்டுள்ளது.

சட்டவிரோத பணப் பரிமாற்றம்: மோசடி பரிவர்த்தனைகள் மூலம் கிடைத்த வருமானம் சன் டைரக்ட் டிவி, கல் ரேடியோஸ், கல் ஏர்வேஸ், சன் பிக்சர்ஸ், சவுத் ஆசியன் எஃப்எம் மற்றும் சன்ரைசர்ஸ் ஹைதராபாத் மற்றும் சன்ரைசர்ஸ் ஈஸ்டர்ன் கேப் போன்ற கிரிக்கெட் உரிமைகளில் முதலீடு செய்யப் பயன்படுத்தப்பட்டது. இந்த முதலீடுகள், 2002 ஆம் ஆண்டு பணமோசடி தடுப்புச் சட்டத்தின் கீழ் "குற்றத்தின் மூலம் கிடைத்த வருவாய்" என்று நோட்டீஸ் குற்றம் சாட்டுகிறது. குறிப்பிட்ட வங்கி கணக்குகளையும் மேற்கோள் காட்டி, இந்திய மற்றும் சர்வதேச பரஸ்பர மற்றும் REIT நிதிகளில் ரூ.8,500 கோடிக்கு மேல் முதலீடு செய்யப்பட்டதாகக் கூறப்பட்டுள்ளது.

ஈவுத்தொகை மற்றும் ரகசிய ஒப்பந்தங்கள்: 2003 மற்றும் 2023 க்கு இடையில் கலாநிதி ரூ.5,926 கோடிக்கு மேல் ஈவுத்தொகை பெற்றதாகவும், 2024 இல் மட்டும் ரூ.455 கோடி பெற்றதாகவும் நோட்டீஸ் மதிப்பிட்டுள்ளது. 2024 ஆம் ஆண்டின் பிற்பகுதியில் மாறன்களின் சகோதரி அன்புக்கரசிக்கு ரூ.500 கோடி செலுத்தப்பட்டதையும் இது குறிப்பிடுகிறது. இது முந்தைய சட்ட நோட்டீஸைத் தொடர்ந்து செய்யப்பட்ட தனியார் ஒப்பந்தம் மற்றும் சட்ட விளைவுகளைத் தடுக்க செய்யப்பட்ட முயற்சி என்று நோட்டீஸ் கூறுகிறது. இந்தப் பணம் மல்லிகா மாறனின் கணக்கு மூலம் செலுத்தப்பட்டு, SUN TV ஈவுத்தொகையிலிருந்து நிதி பெறப்பட்டதாகவும் குற்றம் சாட்டப்பட்டுள்ளது.

சரியான பங்குகள் மறுக்கப்படுதல்: முரசொலி மாறனின் சட்ட வாரிசான தயாநிதிக்கு நிறுவனத்தில் அவரது நியாயமான பங்கு மறுக்கப்பட்டதாகவும், 2005 டிசம்பரில் கலாநிதிக்கு வழங்கப்பட்ட கிட்டத்தட்ட 6 கோடி போனஸ் பங்குகள் உட்பட தொடர்புடைய போனஸ் பங்குகளும் மறுக்கப்பட்டதாகவும் நோட்டீஸ் கூறுகிறது. 2003 செப்டம்பர் 15 அன்று இருந்தபடி பங்குதாரர் கட்டமைப்பை அதன் அசல் நிலைக்கு மீட்டெடுக்கவும், அசல் புரமோட்டர் குடும்பங்களுக்கு அனைத்து ஈவுத்தொகை, சொத்துக்கள் மற்றும் வருவாயைத் திரும்பப் பெறவும் இது கோருகிறது.

சட்ட ரீதியான விளைவுகள் மற்றும் அடுத்த நடவடிக்கைகள்:

பல்வேறு சட்டமீறல்கள்: தயாநிதியின் சட்ட நோட்டீஸ் நிறுவனச் சட்டம் (1956 மற்றும் 2013), இந்திய தண்டனைச் சட்டம் (பிரிவுகள் 406, 420, 467, 471, 120-B), SEBI சட்டம் மற்றும் பணமோசடி தடுப்புச் சட்டம் உள்ளிட்ட பல சட்டங்களின் கீழ் மீறல்களைக் குறிப்பிடுகிறது.

அதிகாரிகளுக்கு புகார்: நிறுவனச் சட்டத்தின் பிரிவு 212 இன் கீழ் தீவிர மோசடி விசாரணை அலுவலகத்தை அணுகவும், SEBI, NSE, BSE, கம்பெனிகள் பதிவாளர், தகவல் மற்றும் ஒளிபரப்பு அமைச்சகம் மற்றும் பொது விமானப் போக்குவரத்து இயக்குநரகம் ஆகியவற்றுக்கு புகார்களைப் பதிவு செய்யவும் தயாநிதி நோட்டீஸில் தனது விருப்பத்தை தெரிவித்துள்ளார்.

உரிமைகளை ரத்து செய்ய கோரிக்கை: சன் குழுமத்தின் அச்சு, ஒளிபரப்பு, வானொலி, விமானப் போக்குவரத்து மற்றும் விளையாட்டுத் துறைகளில் உள்ள உரிமங்களை ரத்து செய்யக் கோரவும் நோட்டீஸ் முன்மொழிகிறது. இதில் அதன் ஊடக சேனல்கள், சன்ரைசர்ஸ் ஐபிஎல் உரிமம் மற்றும் ஸ்பைஸ்ஜெட் லிமிடெட் ஆகியவை அடங்கும்.

துணை நின்றவர்கள் மீது நடவடிக்கை: நிதி ஆலோசகர்கள், தணிக்கையாளர்கள், நிறுவனச் செயலாளர்கள் மற்றும் முன்னாள் அதிகாரிகள் உட்பட ஆவணத்தில் குறிப்பிடப்பட்டுள்ள பல மூத்த வல்லுநர்களுக்கு எதிராக சாத்தியமான வழக்குத் தொடரப்படும் என்றும் நோட்டீஸ் எச்சரித்துள்ளது.

தற்போதைய நிலை:

கலாநிதி மாறனை தொடர்பு கொள்ள பலமுறை முயற்சித்த போதிலும், எந்த பதிலும் கிடைக்கவில்லை. SUN TV நெட்வொர்க் லிமிடெட் அல்லது சட்ட நோட்டீஸைப் பெற்ற மற்ற யாரும் குற்றச்சாட்டுகளுக்கு பதிலளிக்கவில்லை. தயாநிதி மாறன் மற்றும் வழக்கறிஞர் சுரேஷ் இருவரும் கருத்து தெரிவிக்க கிடைக்கவில்லை.

 

In English, we say:

In English, we say:

“We became strangers.”

But in poetry, we say:

“You wear a face I used to know—

Now painted fresh in stranger’s glow.

We pass like pages never turned,

With ink still wet from love once burned.

And though your name still stirs my skin,

You left and took your soul within.”

But in poetry, we say:

“You wear a face I used to know—

Now painted fresh in stranger’s glow.

We pass like pages never turned,

With ink still wet from love once burned.

And though your name still stirs my skin,

You left and took your soul within.”

Beautiful. But it inspired a question. Does love end? If it ends, was it love at the first place? However, if love brings suffering, and issues. Became strangers might not be so bad.

#ksrpost

20-6-2025

 

19 june

 

தமிழ்நாட்டுக்கு

தமிழ்நாட்டுக்கு #காவிரியில் இருந்து கர்நாடகா மாநிலம் எவ்வளவு கூடுதல் நீர் வழங்கினாலும் (மழை காலத்தில் )சில சமயங்களில் அரசின் கவனிப்பாரற்ற மெத்தனத்தினால் அதிக நீர் விவசாயத்திற்கும் ஆகாமல் கடலில் போய்க் கலக்கிறது.

மிகக் குறுகிய அகலமுடைய, ஆனால் மிக ஆழமான ஆடு தாண்டும் காவிரியிலிருந்து தமிழகம் வரும் காவிரியானது பிலிகுண்டுலு வழியாக ஒகேனக்கல் அருவியை அடைகிறது. பின் காவிரியானது மேட்டூர் அணையை அடைந்து சிடான்லி நீர்த்தேக்கத்தை உருவாக்குகிறது. இங்கிருந்தே தமிழகக் காவிரிப் பாசனம் தொடங்குகிறது. மேட்டூரிலிருந்து வெளிவரும் காவிரியுடன் பவானி என்னுமிடத்தில் பவானி ஆறு கலக்கிறது. ஈரோடு நகரைக் கடந்து செல்லும் காவிரியுடன் கொடுமுடி அருகேயுள்ள நொய்யல் என்னுமிடத்தில் நொய்யல் ஆறு கலக்கிறது. அமராவதி ஆறானது கரூர் அருகேயுள்ள திருமுக்கூடலூர் என்னுமிடத்தில் காவிரியுடன் கலக்கிறது. கரூர், திருச்சி மாவட்டங்களில் பாயும் காவிரி அகண்டு காணப்படுவதால் அங்குப் பாயும் காவிரியை அகண்ட காவிரி என்பர். முசிறி, குளித்தலை நகரங்களைத் தாண்டிச்செல்லும் காவிரி முக்கொம்பு என்னும் இடத்தில் மேலணையை அடைகிறது. இங்குக் காவிரி இரண்டு கிளைகளாகப் பிரிகிறது. வடகிளை கொள்ளிடம் என்றும் தென்கிளை தொடர்ந்து காவிரி என்றும் அழைக்கப்படுகிறது. வெள்ளக் காலத்தில் பெருகி வரும் நீரானது கொள்ளிடத்தில் திருப்பி விடப்பட்டு காவிரி டெல்டாப்பகுதி பாதுகாக்கப்படுகிறது. கொள்ளிடம் காவிரியின் வெள்ள வடிகாலாக இருப்பதால் பெரும்பாலும் வறண்டே காணப்படும். கொள்ளிடம், காவிரிக்கு நடுவில் திருச்சிக்கு (திருச்சிராப்பள்ளி) அருகே சிரீரங்கம் (திருவரங்கம்) தீவை உருவாக்கிய பின் காவிரியானது கல்லணையை அடைகிறது. கல்லணையிலிருந்து செல்லும் காவிரி பல சிறு கிளைகளாகப் பிரிந்து தமிழகத்தின் நெற்களஞ்சியமான காவிரி டெல்டாவை உருவாக்கி வங்கக்கடலில் கலக்கிறது. காவிரி டெல்டாவில் அரசலாறு, வெண்ணாறு, வெட்டாறு, புதுஆறு, மன்னியாறு ஆகிய பெயர்களால் காவிரியின் சில கிளைகள் அழைக்கப்படுகின்றன. தமிழகத்தின் தஞ்சாவூர், திருவாரூர், மயிலாடுதுறை நாகப்பட்டிணம் மாவட்டங்கள், புதுச்சேரியின் காரைக்கால் பகுதி ஆகியவை காவிரி டெல்டாவை சேர்ந்தவை. தமிழகத்திற்கு மாதம் தோறும் திறக்க வேண்டிய காவிரி நீரின் அளவை காவிரி மேலாண்மை ஆணையம் நிர்ணயம் செய்துள்ளது. முறைப்படி கர்நாடகம் நீர் வழங்குவதைக் கண்காணிக்க பிலி குண்டலு என்ற இடத்தில் நீர் அளவைத் தளமும் அமைக்கப்பட்டுள்ளது. கர்நாடகாவில் தென்மேற்குப் பருவமழை

கொட்டி த்தீர்க்கும் காலங்களில் தமிழகத்திற்கு கூடுதல் நீர் திறக்கப்படுகிறது.. அப்படி இல்லாமல் அவர்கள் அணைகளில் நீர் இருப்புக் குறைந்தால் தமிழகத்திற்கான நீர்த் திறப்பு குறைக்கப்படுகிறது.

கடந்த 2024-25 ஆம் ஆண்டுக்கான நீர் வழங்கும் தவணைக்காலம் கடந்த ஆண்டு ஜூன் ஒன்றில் துவங்கி கடந்த மே மாதம் 21 ல் முடிவடைந்தது.இந்த காலகட்டத்தில் 177.2 டிஎம்சி க்குப் பதிலாக 206 டிஎம்சி நீரை கர்நாடகம் வழங்கி உள்ளது. நிர்ணயிக்கப்பட்ட அளவைவிட 129 டிஎம்சி நீர் கூடுதலாகத் தமிழகத்திற்கு கிடைத்துள்ளது. இவ்வாறு கிடைத்த நீரில் பாசனம் மற்றும் குடிநீர் மேட்டூர் அணைக்கான சேமிப்பு போக 65 டிஎம்சி நீர் கொள்ளிடம் கீழணை வழியாகக் கடலுக்கு அனுப்பி வீணடிக்கப்பட்டுவதுதான் பரிதாபம்.. கொள்ளிடம் ஆற்றில் கடலூர் மாவட்டம் ஆதனூர் மயிலாடுதுறை மாவட்டம் குமாரமங்கலம் இடையே 616 கோடி ரூபாய் மதிப்பீட்டில் கதவணை கட்டும் பணி 2020ல் துவங்கப்பட்டது. அதற்கான நிலங்களைக் கைகப்படுத்துவதில் ஏற்பட்டுள்ள தாமதத்தால் அந்த பணி இழுபறியாக இருக்கிறது என்கிறார்கள். கரூர் மாவட்டம் தஞ்சை புகழூரில் காவிரி ஆற்றின் குறுக்கே 405 கோடி ரூபாயில் கதவணை கட்டும் திட்டமும் இழுபறியாக இருப்பதால் மேட்டூர் அணையில் வெள்ள உபரி நீரை சேலம் மாவட்டம் சரபங்கா வடிநிலத்தில் உள்ள 79 ஏரிகளுக்கு கொண்டு செல்லும் திட்டம் 675 கோடி மதிப்பீட்டில் துவங்கப்பட்ட நிலையில் அதுவும் இன்னும் முடிக்கப்படாமல் உள்ளதாகச் சொல்கிறார்கள். காவிரி குண்டாறு வைகை இணைப்புத் திட்டத்திற்கு 6941 கோடி ரூபாய் தேவைப்படுகிறது. இதுபோன்ற நீர் சேமிப்புப் பணிகள் முடியாததால் தான் காவிரியில் அரிதாகக் கிடைக்கும் நீரின் பெரும்பகுதியை

கடலுக்கு அனுப்பி வீணடிக்கும் அவலம் நடக்கிறது. தேர்தலில் எப்படி ஜெயிப்பது என்று வியூகம் வகுக்கிறார்களே ஒழிய இது மாதிரியான திட்டங்களின் மீது உண்மையான அக்கறையோ அதற்கான ஏற்பாடுகளிலோ இந்த அரசிற்கு எந்த கவனமும் இல்லை என்பது தான் வருத்தத்திற்குரிய விஷயம். மற்றபடி காவிரி நீருக்கு போராடுகிறேன் விவசாயிகளைத் திரட்டுகிறேன் என்று அவ்வப்போது கண் துடைப்புகளைச் செய்துவிட்டு அல்லது காவிரி ஆணைய கலந்ததாலோசனைக் கூட்டங்களில் வெறுமனே தலையைக் காட்டி விட்டு நீண்ட நாள் பலன் தரக்கூடிய இந்தத் திட்டங்களைப் பல்வேறு காரணங்கள் காட்டி இந்த அரசு தள்ளிப் போட்டு வருவது அதன் இயலாமையைத் தான் காட்டுகிறது. இன்றைய அமைச்சர்களுக்கு சேர்த்த சொத்துகளைப் பாதுகாக்கவே நேரம் போதவில்லை. அரசியலில் மத்திய மாநில உறவுகளில் இணக்கம் ஏற்படுத்தி நலன்களைப் பெறுவதை விட வேறு ஏதோ பேசிப் பேசி கிடைப்பதை எல்லாம் தவற விடுகிறார்கள்.

#காவேரி

#Cauvery

#கேஎஸ்ஆர்போஸ்ட்

#ksrpost

19-6-2025.

 

#திமுகமாடல்