Nov 28, 2025

 தமிழக அரசியல் களம் மாறுகிறதா?

விஜய் கட்சி தவெகவுக்கு முக்கியத்துவம் தரும் வகையில் துல்லியமாகக் காய்கள் நகர்த்தப்படுகின்றன. திமுகவின் சாதுர்யமான அரசியல் ஆட்டம் இது. அதாவது 2026 ல் போட்டி திமுக - vs - தவெக மட்டும்தான் என்ற புள்ளியை நோக்கி நகர்த்தும் முயற்சி இது. செங்கோட்டையன் சபாநாயகரை சந்தித்து ராஜிநாமா கடிதத்தைக் கொடுத்தார் - அது சட்டரீதியான நடைமுறை. சேகர்பாபு எதற்கு இரண்டு முறை சந்தித்தார்? பழைய நண்பர் - அதிமுகவில் ஆதிநாள் நண்பர்கள் - எனவே சந்தித்தார். இன்று திமுக வாரிசுத் தலைவருக்குப் பிறந்த நாள் - எனவே தவெகவில் இணைவதை ஒருநாள் தள்ளிப்போடுங்கள் - இன்று உங்கள் செய்தி முக்கியத்துவம் பெறாமல் போய்விடும் - என்று சொல்லச் சந்தித்தார். இவை எல்லாம் இறக்கை கட்டிப் பறக்கும் வெவ்வேறு ஊகங்களே! இவற்றை நான் நம்பத் தயாராக இல்லை. தன் கட்சியில் சேராமல், தங்களை விமர்சிக்கும் கட்சியில் சேரப் போகிறார் - அவரைப் போய் சந்தித்து - அதுவும் 2 முறை சந்தித்து மணிக்கணக்கில் அளவளாவ வேண்டிய தேவை என்ன? "தவெக வில் இணைவதை நாளைக்கு வைத்துக் கொள்ளுங்கள்" - என்பதை ஃபோனில் சொல்லியிருக்கலாமே? கொங்கு மண்டலம் என்பது அதிமுகவின் கோட்டை என்பதாக இருந்தது. அதைத் தகர்க்கும் பொறுப்பு செந்தில் பாலாஜியிடம் தரப்பட்டது - அதை அவர் பண வலிமையால் நிகழ்த்திக் காட்டினார் - உள்ளாட்சித் தேர்தல்கள், ஈரோடு இடைத் தேர்தல்கள், பாராளுமன்றத் தேர்தல் வரை பணவலிமை கை கொடுத்தது. ஆனால் இது நீண்ட நாள் கை கொடுக்காது - மேலும் எத்தனை நாளைக்கு இப்படி பணவலிமையை மட்டுமே நம்பி இருக்க முடியும்? எனவே கொங்கு சமூகத்தவரின் வோட்டு வங்கி சிதைக்கப்பட வேண்டும் - அது பெருமளவை அதிமுகவுக்குதான் என்ற நிலை அமைப்பு ரீதியாக மாறவேண்டும். பணவலிமையால் மாற்றுவது வேறு - DEMOGRAPHIC SHIFT என்பது வேறு. ஒரு பெரும் சமூகமாக திரண்டு அதிமுக பக்கம் நிற்பதை - உடைத்து இதோ பாருங்கள் உங்களிலேயே ஒரு ஆள் - என்று காட்ட வேண்டும். எனவே அதிமுகவின் SOCIAL BASE என்பதை அதை ஆதரிக்கும் பெரும் சமூகம் எதுவோ - அதை வைத்தே உடைக்க வேண்டும். அந்த உடைப்பின் பலன் நமக்கு வராமல் போகலாம் - அந்தப் பலன் தவெகவுக்கே போகட்டும் - ஆனால் அதிமுகவின் ஆதரவு வோட்டுக் கட்டுமானத்தை உடைக்க வேண்டும். அதாவது திமுக எதிர்ப்பு வாக்குகள் - தவெக, அதிமுக என்று சிதற வேண்டும். தங்கள் வாக்கு அப்படியே இருக்கும் - கிறிஸ்தவ மிஷனரிகள் இருக்கின்றன - ஜமாத்துக்கள் இருக்கின்றன - ஜாக்டோ ஜியோ அரசு ஊழியர்கள் இருக்கிறார்கள். மற்றவர்கள் எல்லாம் 0 - பூஜ்ஜியத்தில் இருந்து தங்களுக்கு விழுந்த வோட்டுக்களை எண்ணும் போது - தாங்கள் மட்டும் ஒவ்வொரு தொகுதியிலும் 15 லிருந்து தங்கள் வோட்டுக்களை எண்ணத் தொடங்கலாம் - மிஷனரி, ஜமாத், ஜாக்டோ ஜியோ ஆதரவில். அப்படி மற்றவர்கள் பூஜ்ஜியத்தில் இருந்து தொடங்கும் அந்த நிலையையும் பிளவு படுத்தி - திமுக எதிர்ப்பு வோட்டுக்களை சிதற வைத்தால் தங்கள் வெற்றி மேலும் இலகுவாகும்! ADMK - BJP கூட்டணி (NDA) எதிராக திமுக கூட்டணி என்று இருக்கும் 2 முனைப் போட்டியை விட - அதில் 3 ஆவது ஆள் ஒருவன் களமிறங்கி அவன் அதை 3 முனையாக மாற்றினால் அது தனக்கு ஆதாயம்... அந்த மூன்றாவது ஆளை - "இவன்தான் பெரிய வஸ்தாது! இவனுக்கும் எனக்கும்தான் போட்டி!"- என்று காட்டி மக்களை நம்ப வைக்க வேண்டும்! இது அத்தனையும் திமுக செய்யும் துல்லியமான அரசியல் தந்திரம். அதைச் செய்ய திமுகவுக்கு உரிமை உண்டு - ஆனால் அந்தப் பொறியில் சிக்காமல் தங்களை லாகவமாக முன்னிறுத்திக் கொள்ள பாஜக (NDA) நிறையவே உழைக்க வேண்டி இருக்கும்! "ஜெயிக்கப் போவது திமுகதான் -இரண்டாவது இடத்துக்குதான் தவெகவா? அதிமுகவா? என்று போட்டி"- இப்படி ஒரு NARRATIVE செட் செய்யப்படும். இந்த NARRATIVE ஐ செட் செய்ய திமுக ஆதரவு ஊடகங்கள், யூடியூபர்கள் நன்றாக மெனக்கிடுவார். இந்த மாதிரி PUSHED ASIDE - மூன்றாம் இடத்துக்கு தள்ளப்படுதல் - இரண்டாம் இடத்துக்குதான் போட்டி... போன்ற NARRATIVE களை முறியடிக்க... அண்ணாமலை தீவிரமாகக் களமிறக்கப்பட வேண்டும். அப்போதுதான் களம் NDA - TMK - DMK என்ற முக்கோணப் போட்டியாக மாறும். இதே நிலை 2026 வரை நீடித்தால் - "வெல்லப் போவது DMK - இரண்டாவது வலுவான சக்தி TVK தான் - ALSO RAN ADMK / BJP"- என்று ஆகிவிடும். அந்தப் புள்ளியை நோக்கித்தான் செங்கோட்டையனை நகர்த்திவிட்டுள்ளது திமுக என்று நான் திடமாக நம்புகிறேன்! அதாவது மக்கள் முன்பு திமுக இரண்டு சாய்ஸ்களை வைக்க விரும்புகிறது. 1) மோசமான நாங்கள் 2) எங்களைவிட மோசமான விஜய் கூட்டம்- யார் வேண்டும் உங்களுக்கு? களம் இப்படி எக்குத் தப்பாக மாறுமானால் அது நாட்டுக்கு நல்லது அல்ல….

@AmitShah

@nsitharaman

@blsanthosh

@NainarBJP

@BJP4TamilNadu