Sunday, May 26, 2019

பஞ்சாயத்து ராஜ் சட்டமும், உச்சநீதிமன்றத்தில் எனது வழக்கும்



No photo description available.
பஞ்சாயத்து ராஜ் சட்டமும், உச்சநீதிமன்றத்தில் எனது வழக்கும்
---------------------------
பஞ்சாயத்து ராஜ், நகர் பாலிக்கா சட்டங்கள் மூலமாக மத்திய அரசு இந்த அமைப்புகளுக்கு வழங்கும் நிதி வெளிப்படையாக இருக்க வேண்டும். அதே போல மத்திய அரசும், மாநில அரசும் சில அதிகாரங்களுக்கு உட்பட்டு இந்த நிதிப் பங்கீடு இருக்க வேண்டும் என்றும், மாநில உரிமைகள் இதனால் பாதிக்கப்படக் கூடாது என்று [ WP (c) No. 34/2005 ] பொதுநல வழக்கை தாக்கல் செய்திருந்தேன். இந்திய அரசியலமைப்புச் சட்டம் பிரிவு 12 இன் கீழ் மாநிலங்களுக்கான அதிகாரங்களுக்கு உட்பட்டு இந்த நிதிப் பகிர்வீடுகள் நிர்வாகங்கள் இருக்க வேண்டும். இந்திய அரசியலமைப்புச் சட்டம் திருத்தம் 73இன் படி மூன்றடுக்கு அமைப்பாக பஞ்சாயத்து ராஜ் அமைவது கிராம உள்ளாட்சி, நகராட்சி அமைப்புகளுக்கு நல்லது தான். இருப்பினும் மாநில நிதிக்குழுவின் சிபாரிசுகளையும் கணக்கில் கொண்டு, மாநில அரசின் அறிக்கை பெற்று மத்திய அரசு அந்தந்த மாநிலங்களின் தேவைகளுக்கேற்ப திட்டங்களையும், நிதிப் பங்கீடுகளையும் செய்ய வேண்டும்.
இந்த நிலையில் மாநில அதிகாரங்களை கையிலெடுத்துக் கொண்டால், உள்ளாட்சி அமைப்புகளில் தவறுகள் நடந்தால் கண்காணிக்கவும் முடியாது, உள்ளாட்சி நிதி அவசியம் குறித்து அமைந்த கமிட்டி 1951இல் இதைக் குறித்தான பரிந்துரைகளை செய்துள்ளது. அதை போல, 1954இல் Taxation Enquiry Committee, 1963இல் சந்தானம் கமிட்டி, 1978இல் அசோக் மேத்தா கமிட்டி, 1986இல் சிங்வி கமிட்டி போன்ற குழுக்கள் உள்ளாட்சி அதிகாரங்களை குறித்து ஆராய்ந்து உள்ளாட்சி அதிகாரங்களை குறித்து பல பரிந்துரைகளை வழங்கினர். வரி வசூல், நிர்வாகம், கிராம சபையின் தனித்துவம், சுயாட்சியும் என்பது குறித்து இந்த குழு ஆராய்ந்தன. உள்ளாட்சியும், கூட்டுறவும் ஜனநாயகத்தின் அச்சாணிகள் ஆகும். கிராமத்தில் துவங்கும் இந்த ஜனநாயக முறை நாடாளுமன்றம் வரை ஆரோக்கியமாக செயல்பட வேண்டும். அதில் எந்த மறுப்பும் இல்லை. இருப்பினும் அந்த உள்ளாட்சி நிர்வாகத்தில் சில சீர்கேடுகள் நிகழ்ந்தால் அதை கண்காணிக்க கூடிய அதிகராங்களும் அவசியமே. மாநில அரசின் கையில் சரியாக அமைந்தால் உள்ளாட்சி அமைப்புகள் சரியாக செயல்படும் என்று எனது வாதத்தில் வைக்கப்பட்டது. மத்திய அரசும் நிச்சயமாக இதை கவனிக்கப்படும். மாவட்ட ஆட்சியர் தவறு செய்யும் உள்ளாட்சி பிரதிநிதிகள் மீது மாநில அரசிற்கு தெரிவித்துவிட்டு நடவடிக்கைகளை மேற்கொள்ளலாம். எந்த வகையிலும் மாநில அரசின் அதிகாரங்கள் பறிபோகின்றன என்ற நிலையில் அரசியல் சாசனத் திருத்தம் 73 வழிவகை செய்யவில்லை என்ற உத்தரவாதம் மத்திய அரசு வழங்குகின்றது என மத்திய அரசின் சார்பில் உச்ச நீதிமன்றத்தில் தெரிவிக்கப்பட்டது.
இந்த வழக்கின் சாரம் என்னவென்றால், மாநிலத்தின் அதிகாரங்கள் பறிபோகாமல் உள்ளாட்சி அமைப்புகளை சீராக நடக்க வேண்டும் என்பது தான். மத்திய அரசின் உத்தரவாதத்தின் அடிப்படையில் என்னுடைய வழக்கு [ WP (c) No. 34 / 2005 ] முடித்து வைக்கப்பட்டது.
ஏற்கனவே அவசர நிலைக் காலம் 1975 காலக்கட்டத்தில் கல்வி மாநில அரசின் கையிலிருந்து மத்திய அரசின் பட்டியலுக்கு சென்றுவிட்டது. வேளாண்துறையிலும் மாநில அதிகாரங்களில் மத்திய அரசு கைவைத்துவிட்டது. இப்படி ஒவ்வொரு துறைகளிலும் மக்களால் தேர்ந்தெடுக்கப்பட்ட மாநில அரசின் அதிகாரங்களை மத்திய அரசு கபளீகரம் செய்யும் போது அதை எதிர்த்து உரிமைக் குரலை எழுப்ப வேண்டும்.
அடியேன் அதிகாரமற்றவன். நாடாளுமன்ற, சட்டமன்ற உறுப்பினர் கிடையாது. வெறும் கையுடன் இப்பணிகளை என்னால் இயன்றதை இன்றைக்கல்ல பல ஆண்டுகளுக்கு முன் செய்தது பதிவில் கொண்டுவர வேண்டியது என்னுடைய கடமை. பொது வாழ்வில் பலரால் அடியேன் உழைப்பை பெற்றுக் கொண்டு பலரால் புறக்கணிக்கப்பட்டாலும் செயல்பட்டுக் கொண்டிருக்கிறோம் என்ற இம்மாதிரியான நடவடிக்கைகளால் மனதிற்கு ஆறுதல் கிடைக்கின்றது. இதை நாடாளுமன்ற, சட்டமன்ற உறுப்பினர்கள் அமைச்சர்கள் ஆகுமுன் இப்படியான செயல்களை செய்திருப்பார்களா என்பதை நண்பர்களின் கவனத்திற்கே விட்டுவிடுகிறேன். எத்தனை வழக்குகள் உச்ச நீதிமன்றத்தில், சென்னை உயர்நீதிமன்றத்தில், மனித உரிமை ஆணையத்தில்…
இந்த பயணம் 1983இல் தொடங்கி இன்றைக்கு வரை தொடர்ந்து வருகிறது. இந்த நிலைப்பாட்டில் யாரும் நம்மை கட்டுப்படுத்தவும் முடியாது, புறக்கணிக்கவும் முடியாது, மறுக்கவும் முடியாது. தகுதியே தடை என்ற நிலையில் பதவிகளை வேண்டுமானால் மறுக்கலாம். அந்த பதவிகளில் யார் யாரோ கழிசடைகள் எல்லாம் இன்றைக்கு உட்கார்ந்திருக்கும் போது அந்த பதவிகளை பற்றியோ அக்கறை இருக்காது. அப்படியான பதவிகள் நாம் அமர நமக்கு தகுதியற்றது.
கே.எஸ். இராதாகிருஷ்ணன்.
26-05-2019.

It is 100th BirthAnniversary of #GayatriDevi.

It is 100th Birth Anniversary of #GayatriDevi. Former member of Parliament and rebellion against Emergency during Indira Gandhi rule. She was arrested then. According to you, what makes her eternally beautiful? Happy Birthday Maharani of Jaipur She was most beautiful. Her name 10 top most beautiful ladies in world. 
The most beautiful graceful lady of Indian screen you can visit Manali to see the most beautiful painting of heres by her husband.

இவரும் திருமதி தாரகேஷ்வரி சின்கா  நாடாளுமன்றத்தில் இந்திரா காந்தி மீது கடுமையான விமர்சனங்களை வைத்ததுண்டு.
Image may contain: 1 person, close-up

#KSRPostings
#KSRadhakrishnan_Postings
கே.எஸ்.இராதாகிருஷ்ணன்.
26-05-2019

நடந்து முடிந்த நாடாளுமன்ற தேர்தலில் இவரும் ஓர் எம்.பி

நடந்து முடிந்த நாடாளுமன்ற தேர்தலில் இவரும் ஓர் எம்.பியாக தேர்ந்தெடுக்கப்பட்டு உள்ளார்.ஒடிசா மாநிலம். இரு முறை எம்.எல.ஏ. இவருக்கு வெறும் பென்சன் மட்டுமே வாழ்க்கை ஆதாரம்.
#KSRPostings
#KSRadhakrishnan_Postings
கே.எஸ்.இராதாகிருஷ்ணன்.
26-05-2019

Image may contain: one or more people and indoor

#ஹேராம் #உத்தமர்காந்தி

நான் திரைப்பட தணிக்கைக் குழு உறுப்பினராக இருந்தபோது நடிகர் கமலஹாசன் நடித்த ஹேராம் படம் தணிக்கைக்கு வந்தது. அந்த படத்தில் சில காட்சிகளை நீக்க வேண்டுமென்று குழுவில் இருந்த சிலர் கூறினர். நான் எனது சார்பாக சில வாதங்களை எடுத்துவைத்தேன். மகாத்மா காந்தி கொலை செய்யப்பட்டதையும் அதுகுறித்து உள்ள காட்சிகளில் எந்த தவறும் இல்லையென்று வாதாடியவன் நான். இது தொடர்பாக எனது தரவுகளையும் குழுவினர் ஏற்றுக் கொண்டனர். இன்றைக்கு ஹேராம் தொடர்பாக கமலஹாசன் பேசுகிறார். தற்போதைய இந்த சூழலில் இதை பதிவு செய்கிறேன்.

இந்தியாவின் இருண்ட காலம், கண்ணீர் விட்டு கதறி அழுத தருணம்.
கோட்சே வழக்கும், தூக்கு தண்டனையும்.
அன்று சிம்லாவில் இருந்த பஞ்சாப் உயர்நீதிமன்றத்தில் கோட்சேவின் வழக்கு நடந்தது. நவம்பர் 8, 1949இல் அவருக்கு மரண தண்டனை விதிக்கப்பட்டது. மரண தண்டனையை ரத்து செய்ய கோரி, காந்தியின் மகன்களான மணிலால் காந்தி மற்றும் ராமதாஸ் காந்தி கோரிக்கை வைத்தனர். ஆனால் இந்த கோரிக்கையை அன்றைய பிரதமர் நேரு, உள்துறை அமைச்சர் வல்லபாய் படேல், கவர்னர் ஜெனரல் ராஜகோபாலாச்சாரியார் ஆகியோர் நிராகரித்தனர். நவம்பர் 15, 1949இல் அம்பாலா சிறையில் தூக்கிலிடப்பட்டார் கோட்சே.
பல கூட்டாளிகளின் துணையுடன், நன்கு திட்டமிட்டு, இந்த கொலையை கோட்சே செய்ததாக வழக்கை விசாரித்த நீதியரசர் கோஸ்லா கூறினார்.
இந்த கொலை நிகழ்வானது காந்திக்கு மிக அருகில் நின்று மூன்று முறை சுட்டார். அப்போது ஜனவரி 30, 1948 மாலை சரியாக 5.12 க்கு டெல்லியில் உள்ள பிர்லா மாளிகை, கன்னார் பிளேஸ் என்ற இடத்தில் மகாத்மா காந்தியின் பாதங்களை தொட்டு வணங்கிய பின், கோட்சே அவரை சுட்டார். சுடப்ட்ட உடனேயே மரணமடைந்துவிட்டார். 
தனது பாதகச் செயல் மூலம் தேசத்தை உலுக்கிய, ஆர்.எஸ்.எஸ் அமைப்பை சேர்ந்த நாதுராம் விநாயக் கோட்சேவின் தந்தை விநாயக் வாமன்ராவ் கோட்சே ஒரு தபால் துறை ஊழியர். மகாராஷ்டிராவில் உள்ள பாரமதியில் ஒரு மராத்திய சித்பவன் பிராமண குடும்பத்தில் பிறந்து, ராமச்சந்திரன் என்று பெயர் சூட்டப்பட்டார். பின்னர் நாதுராம் என்று பெயர் மாற்றப்பட்டது. இதற்கு ஒரு சுவாரசியமான நிகழ்ச்சியே காரணம்.
இவருக்கு முன், மூன்று ஆண் குழந்தைகளும், ஒரு பெண் குழந்தையும் பிறந்து பின் இறந்தனர். ஆண் குழந்தைகள் பிறந்தால், அவை மரணமடையும் என்ற சாபம் இருப்பதாக பயந்த அவரின் பெற்றோர், ராமச்சந்திரனை பெண் குழந்தை போலவே சில ஆண்டுகள் வரை, மூக்குத்தி அணிவித்து வளர்த்தனர். இதனால் அவருக்கு நாதுராம் என்ற புனைப் பெயர் உருவானது. (நாது ராம் என்றால் மூக்கில் வளை அணிந்தவர் என்று அர்த்தம்) அவருக்கு ஒரு தம்பி பிறந்த பின்னர் ஆண் பிள்ளை போல வளர்க்கப்பட்டார். இளம் வயதில் காந்தி மீது பெரும் மரியாதை கொண்டிருந்தார். உயர்நிலை பள்ளி படிப்பை பாதியிலேயே நிறுத்திவிட்டு, ராஷ்ட்ரிய ஸ்வயம் சேவக் மற்றும் இந்து மகாசபை ஆகியவற்றின் முழுநேர ஊழியரானார். இந்து மகா சபைக்காக அக்ரானி என்ற மராத்திய மொழி பத்திரிக்கையை துவங்கினார். பின்னர் இதன் பெயர் இந்து ராஷ்டிரா என்று மாற்றப்பட்டது. படிப்படியாக காந்திய கொள்கைகள் மீது நம்பிக்கை இழந்த கேட்சே பல பிரச்சனைகளுக்காக சாகும் வரை உண்ணாவிரதம் இருந்து அதன் மூலம் இந்துக்களின் நலன்களுக்கு கேடு விளைவித்தார் என்று நம்பினார்.

#ஹேராம்
கே.எஸ்.இராதாகிருஷ்ணன்.
26-05-2019
(படம்- காந்தி படுகொலை காவல் துறையின் முதல் தகவல் அறிக்கை)

No photo description available.

Saturday, May 25, 2019

ஆடு வளர்ப்பு இப்போது குறைந்துவிட்டது.


தேர்தல் களப்பணி பயணத்தின்போது, எட்டையபுரம், விளாத்திகுளம், நற்கலைக்கோட்டை ஆகிய பகுதிகளில் ஆடு வளர்ப்பு மற்றும் ஆட்டுச் சந்தையை பார்க்கும்போது பழைய நினைவுகள் வந்தன. ஆடு வளர்ப்பு இப்போது குறைந்துவிட்டது. விவசாயிகள் நிலங்களை பயிர் செய்யும்போது ஆட்டுக் கிடை அமைத்து மண்ணை பக்குவப்படுத்துவார்கள். இப்போது அந்த வழக்கங்கள் எல்லாம் மறைந்து வருகிறது. எட்டையபுரம் ஆட்டுச் சந்தை சனிக்கிழமைதோறும் கூடுகிறது. இன்றைக்கு 5 லட்சம் ரூபாய்க்கு அங்கே வணிகம் நடக்கிறது. வேம்பாபாறில் ஆடு வளர்க்கும் முறையும் தற்போது குறைந்துவிட்டது. கி.ரா. தனது படைப்பில் கிடை, கீதாரி பற்றியும் கூறுகின்றார். ஆட்டுக் கூண்டுகள் எல்லாம் கிராமங்களின் அடையாளங்களாக இருந்தன. இப்போது அதெல்லாம் இல்லாமல் ஆகிவிட்டது.
ஆட்டின் வகைகள்
1.   வெள்ளாடு வகைகள்


            i.     நாட்டு ஆடு
          ii.     சீனி ஆடு
         iii.     பல்லை ஆடு
2.   செம்மறி ஆடு
            i.     நாட்டு ஆடு
          ii.     தெற்குத்தி ஆடு
         iii.     மகிளம்பாடி ஆடு
என தென்மாவட்டங்களின் ஆடுகளின் பிரிவுகள் உண்டு. சேலம் மேச்சேரியில் வேறு வகையான ஆடுகள் உண்டு.
தென்மாவட்டங்களின் ஆட்டுச் சந்தைகள்:
1.   திங்கள் கிழமை - அருப்புக்கோட்டை, கடையம் (தென்காசி  அருகே), மேலூர் (மதுரை)  
2.   செவ்வாய் கிழமை – பாம்புக் கோவில் சந்தை (சங்கரன்கோவில் அருகே), மேலப்பாளையம் (திருநெல்வேலி), டி. கல்லுப்பட்டி (மதுரை)
3.   வியாழக் கிழமை – கயத்தாறு, புதியம்புத்தூர் (ஒட்டப்பிடாரம் அருகே), ராஜபாளையம்
4.   வெள்ளிக் கிழமை – திருநெல்வேலி மாவட்டத்தில் திசையன்விளை, வள்ளியூர், முக்கூடல், மதுரை மாவட்ட திருமங்கலம், அழகர் கோவில் (மதுரை)
5.   சனிக் கிழமை – எட்டையபுரம், சாத்தூர் மற்றும் ரெட்டியார்பட்டி
6.   ஞாயிற்றுக்கிழமை – திருவேங்கடம் (சங்கரன்கோவில்)
இப்படிப் தான் ஆடுகள் குறித்தான இன்றைக்குள்ள தரவுகள் உள்ளன.

கே.எஸ்.இராதாகிருஷ்ணன்.
25-05-2019

Elections are over……


Elections are over……
New Delhi is getting ready in the formation of cabinet. A debate on strength of ministerial berths

On July 7, 2004 the 91st Amendment to the Constitution took effect. This meant that from that day on, the size of the Council of Ministers at the Centre and in the states could not exceed 15% of the members in the Lok Sabha or state legislatures. The logic underlying this amendment was quite obvious. The cost factor was not the issue, for in relation to the overall cost of government. Expenditure on ministers is miniscule. The real problem is that with unlimited ministerships on offer, the destabilization of governments made easier.
Image result for nehru cabinet
Even the National Committee to Review the working of the Constitution (NCRWC), set up by the Atal Behari Vajpayee government, which recommended that the number of minister “be fixed at the maximum of 10 percent of the total strength of the popular House of the Legislature”.
Whatever be the reason for the ceiling, good governance or management principles seem to have little to do with it. We have 543 MPs in the Lok Sabha, which means that we can have up to 81 ministers in New Delhi. With 787 MPs in both Houses, that means almost one in 9 MPs can expect to be a minister. The states have in all 4,020 MLAs; opening up possibilities for around 600 ministerial berths for 4,487 MLAs and MLCs. Uttar Pradesh has the biggest Legislative Assembly with 403 MLAs, while Sikkim at the other end of the spectrum has to make do with just 32 MLAs or just 5 ministers.
This was not the case 50 years ago. Jawaharlal Nehru's first cabinet there was only one minister for Food and Agriculture. The only agriculture related function not with this Minister was irrigation. Gulzarilal Nanda held the portfolio of planning, irrigation and power. But in those days additional power was intended primarily from the hydel projects and it does possibly made sense to have irrigation outside the Food and Agriculture ministry.

K.S.Radhakrishnan.
24-05-2019

இந்த வார குமுதத்தில் மக்களால் மதிக்கப்பட்டு மறைந்த தலைவர்களை குறித்து இரண்டு செய்திகளை வாசிக்க கூடிய சூழல் எற்பட்டது.


இந்த வார குமுதத்தில் மக்களால் மதிக்கப்பட்டு மறைந்த தலைவர்களை குறித்து இரண்டு செய்திகளை வாசிக்க கூடிய சூழல் எற்பட்டது. 
குமுதம் பக்கம் எண். 140 - நேருவின் உதவியாளர் எம்.ஓ.மத்தாய் எழுதிய Reminiscences of the Nehru Age என்ற நூலில் நேருவை பற்றி எழுதிய கருத்துகளும், 
மற்றொன்று,
பக்கம் எண். 7 - பாஜகவின் எச். ராஜா, சாமி சிதம்பரனார் பெரியாரைப் பற்றி இப்படியெல்லாம் சொல்லியுள்ளார் என்று சில கருத்துகளை வெளியிட்டுள்ளார்.
இம்மாதிரியான அணுகுமுறைகள் ஆரோக்கிமானதா என்பது நமது வினா. இதை குமுதம் தவிர்த்திருக்கலாம்.

#KSRPostings
#KSRadhakrishnan_Postings
கே.எஸ்.இராதாகிருஷ்ணன்.

25-05-2019

Image may contain: 1 person, textImage may contain: 1 person, smiling, text
No photo description available.
Image may contain: text

OCT 18 2026

  Remember how foreign-funded activists like Medha Patkar tried their best to deprive the Kutch region of Narmada water until Modi called th...