மாயோன் மேய காடுறை உலகமாக இருந்த காலம் அது !
மல்லி எனும் நிலப்பரப்பினை வில்லி எனும் மன்னன் ஆண்ட ஊரும்,,அது !
காலம் கி.பி 716
ஆடி மாதத்திய பூர நட்சத்திர நாள்,,,,
சுக்கிரன் எழுகின்ற வேளையதில்,,
குரு விடைபெறுகின்ற வேளையும்,,,அதுவாக,,,
அந்நாள் ,,,
எட்டாம் நூற்றாண்டின் அற்புதநாள்,,, !
அந்நாளுக்கு சில வருடங்களுக்கு முன்னொரு நாளில்..
புத்தூரில்,,
வில்லி மன்னன் ஆண்ட வில்லிப்புத்தூரில்,,,
விரஜையெனும் பெண்ணுக்குத் திருமணம் ஆகிறது !
மணமகனாக,,,
மூங்கில் குடி மரபில் வந்த முகுந்தபட்டர் -பத்மவல்லி தம்பதியரின் மகன் விஷ்ணு சித்தன் !
புகழ்மின் !
தொழுமின் !
பூப்புமைமின் !
என்னும் மாணிக்க வாசகத்துக்கு இலக்கணமாக,,
மலையடியில்,,
நதிக்கரையில்,,,
நந்தவனத்தில்,,,மலர்ந்திருக்கும் மலரெல்லாம்,,
மாலவனுக்காக,,,
மட்டுமேயென்றெண்ணி,,
மலர் பறித்து மாலை கட்டி,,,
பூமாலை கட்டி,,, சாற்றுவதே நங்கடனென்று வாழ்கின்றார் விஷ்ணு சித்தர்,,,,,,,,,,,
ஆலிலை என்கிற வடபத்ரத்தில்,,,
பள்ளி கொண்டிருக்கிற பெருமானுக்கு,,,
பூமாலை மட்டும்,,,போதுமோ ?
அவ்வப்போது,,கொஞ்சம் பாமாலையும்,,பாடுகிறார் !
தமிழ்ப் பாமாலையும்,,பாடுகிறார் !
காலங்கள் கடக்கிறது!
பாமாலை பாடினாலும்,,
பூமாலை சாற்றினாலும்,,, பலனொன்றுமில்லையடி ,,
நமக்கென்று ஒரு பிள்ளை இன்னுமில்லையடி விரஜாய்!
நமக்கென்று ,
ஒரு பிள்ளை வந்தாலன்றி பயனொன்றுமில்லை அய்யனே !
விரஜைக்கு வலி !
விரஜையின் கணவன் !
விஷ்ணு சித்தனுக்கோ வலியோ வலி !!
பெண் அழுது விடலாம்,, !
ஆண் அழுது விட்டால்,,,?
ஊர் சிரிக்கும்,,உலகு சிரிக்கும்,, எக்களிக்கும்,, !
ஆனாலும்,,வழியில்லை,
வேறு வழியில்லை,,,
விரஜையிடமே அழுது விடலாம் !
அவளிடம் கொட்டுவதன்றி வேறு எவரிடமும்
கொட்டிப் பலனில்லை,,,
அவன் !
அரங்கனவன் !
வடபத்ர சாயி !
ஆலிலைப் பள்ளிகொண்டான் !
மெளனமாய்ச் சிரிக்கின்றான் !
அப்போதிலொரு நாள்,,,!
விஷ்ணு சித்தன் வடபத்ரசாயியின் நந்தவனத்தில் துழாய் கொய்து கொண்டிருக்கின்றான் !
ஒரு அழுகுரல்,,
இல்லை,,அது ஆனந்த குரல்,,,,,
ஒரு கிளிக் குரல் !
இல்லையில்லை...
ஒராயிரம் கிளிக்குரல்கள் !
இல்லையடா,,,,
இது பிள்ளையின் குரல்,, !
இல்லையில்லை,,
இது கிள்ளையின் குரல்,,, !
எங்கிருந்து வருகிறது ?
எங்கிருந்து கேட்டாயோ ?
அங்கிருந்தே ? வருகிறது ! மனம் சொன்னது !
இது கீதை அல்லவா ?
இதைச் சொன்னவனும்,,அவனே அல்லவா ?
மனம் தவிக்கிறது !
மனம் பரிதவிக்கிறது !
வாராது போல வந்த மாமணி !
என் கண்ணின் கருமணியின் குரல்,,, !
குரல் வந்த திக்கினை நோக்கி,,,
விஷ்ணு சித்தன் ஓடுகிறான் !
அடர்ந்த
நாற்றத் துழாய் மரத்தினடியில்,,,
அடர்ந்த
நாற்றத் துழாய்ச் செடியின் அடியில்,,,
ஓர் நிலவு !
ஓர் சூரியன் !
ஓர் பிறை,,
ஓர் வாசம்,, !
ஓர் ஆனந்தம் !
அத்தனையும்,,,,ஓர் உருவாய்,,,,
அள்ளி எடுக்கின்றார் !
அள்ளி அணைக்கின்றார் !
நிலம் உழுத கணத்தில்,,,
ஜனகனுக்கு சீதை கிடைத்தாள் !
கலம் நிறைக்க துழாய் பறித்த கணத்தில்,,
விஷ்ணு சித்தனுக்கு கோதை கிடைத்தாள் !
ஆஹா,,, !
வெள்ளி எழுகின்ற வேளையது !
வியாழன் உறங்குகின்ற வேளையது !
நன்னாள் !
இன்று ஆடிப்பூர நன்னாள் !
கோதையெனும்,,
குலக்கொடி கிடைத்த பொன்னாள் !
திருக்கண்டேன் !
திருவே கண்டேன் !
மருக் கண்டேன்
மருப் பொழில் வாசம் கொண்டேன் !
விஷ்ணு சித்தன் ,,
கைப்பிள்ளையதை வளர்க்கின்றார் !
அக்கிள்ளையும்,,,வளர்கிறது !
கிளி மொழி பேசுகிறது !
கிள்ளை மொழி பேசுகிறது !
இப்போதெல்லாம் !
விஷ்ணு சித்தனின் பூமாலை மணக்கிறது !
பூமாலை மட்டுமா ? பாமாலையும் கூட வாசம் வீசுகிறது
விஷ்ணு சித்தன் !
பெரியாள் ஆகிறார் !
பெரிய ஆழ்வார் ஆகிறார் !
கோதிலா குலக்கொடி,,,
தந்தை கட்டி வைத்த அரங்கனுக்கான மாலை அழகாய் இருக்கிறதா ?
அணிமணிகள் அவனுக்குச் சரியாக இருக்குமா ?
பூமாலைக் குஞ்சலங்கள் அவனுக்குப் போதுமோ ?
இன்னும் கொஞ்சம்,,,
நெருக்கிக் கட்டி இருக்கலாமோ ?
,,,
ம்ஹூம்,,,
வேண்டாம்,,,வேண்டாம்,,இது போதும்,,,
அவனுக்கு,,
ஆலிலையானுக்கு,,,
வடபத்ரசாயிக்கு,,, கனக்குமோ ?
பூமாலை கனக்குமோ ?
அவன் கழுத்து வெண் சங்கு கழுத்தாயிற்றே,,?
அவனதைத் தாங்குவானோ ?
கேள்விகள் எழுகிறது !
கோதைக்கு,,,
அவனுக்கு, அவனுக்காக மட்டுமே கட்டி வைத்த பூ மாலைதனை
அவள் சூடிக் கொள்கிறாள் !
ஆடியின் முன் நின்று ஆடி பார்க்கிறாள்,, !
அழகாய்த்தான் இருக்கிறது !
அழகன் அவனுக்கும் அழகாய்த்தானிருக்கும்,, !
அவள் சூடிய மாலையை,,
அவனுக்காக அனுப்புகிறாள்,,, !
அதன் பிறகு நடந்ததெல்லாம்,,,
உங்களுக்குத்தான் முழுதாய்த் தெரியுமே ?1/2
No comments:
Post a Comment