“ஊழல் நிழலில் ஆட்சி நடத்துவது, மக்களின் நம்பிக்கையை மின்சாரமாக்கி எரிப்பதற்கு ஒப்பாகும்.”

 *“ஊழல் நிழலில் ஆட்சி நடத்துவது, மக்களின் நம்பிக்கையை மின்சாரமாக்கி எரிப்பதற்கு ஒப்பாகும்.”*

**தமிழக மின்வாரியத்தில் ஊழல் முறைகேடுகள்: ஸ்டாலின் மாடல் ஆட்சியின் அவலம்**

“ஸ்டாலின் மாடல்” ஆட்சி, மக்களின் வரிப்பணத்தை கமிஷன் சேகரிப்பு மற்றும் தேவையற்ற செலவுகளால் வீணாக்கி, நிர்வாகத் திறனின்மையையும் ஊழல் குற்றச்சாட்டுகளையும் வெளிப்படுத்துகிறது. மின்சாரத் துறையில் மின் பற்றாக்குறை, ஸ்மார்ட் மீட்டர் திட்டத்தின் தோல்வி, மற்றும் ரூ.160 கோடி செலவில் 11.50 லட்சம் சாதாரண மீட்டர்கள் கொள்முதல் என இந்த ஆட்சியின் அவலங்கள் தொடர்கின்றன.

**ஸ்மார்ட் மீட்டர் திட்டம் தோல்வி:**

மத்திய அரசின் ரூ.19,000 கோடி மதிப்பிலான RDSS திட்டத்தின் கீழ், 3.04 கோடி ஸ்மார்ட் மீட்டர்கள் பொருத்த 2023 ஆகஸ்டில் டெண்டர் கோரப்பட்டது. மின் இழப்பைக் குறைக்கவும், பில்லிங் திறனை மேம்படுத்தவும் உருவாக்கப்பட்ட இத்திட்டம், திராவிட மாடலின் கலெக்ஷன் கமிஷன் கரப்ஷன் மற்றும் முறைகேடுகள் மற்றும் அதிக விலை கோரிக்கைகளால் 2025 ஜனவரியில் ரத்து செய்யப்பட்டது.

பிப்ரவரி 2025-ல் மீண்டும் கோரப்பட்ட டெண்டர், நிறுவனங்களின் சந்தேகங்களால் தாமதமாகி, இம்மாத இறுதி வரை நீட்டிக்கப்பட்டுள்ளது. இதனால், மார்ச் 2025 மத்திய அரசு காலக்கெடுவை மீறி, மானியங்கள் கடனாக மாறும் அபாயம் உள்ளது.

**ரூ.160 கோடி வீண்செலவு:**

ஸ்மார்ட் மீட்டர் திட்டம் தடைபட, Tangedco 8 லட்சம் ஒரு முனை, 3.50 லட்சம் மும்முனை சாதாரண மீட்டர்களை ரூ160 கோடி செலவில் வாங்குகிறது. இவை விரைவில் பயனற்றவையாகலாம் என புகார் எழுந்துள்ளது. இது மக்களின் வரிப்பணத்தை ஊழல் மற்றும் கமிஷன் சேகரிப்பிற்காக வீணடிப்பதாக விமர்சிக்கப்படுகிறது.

**ஊழல் குற்றச்சாட்டுகள்:**

ஸ்மார்ட் மீட்டர் டெண்டரில் முறைகேடுகள் மற்றும் அடானி குழுமத்திற்கு ஆதரவு இருப்பதாக குற்றம்சாட்டி, போராட்டங்களும் நடைபெற்றன . மின்மாற்றி கொள்முதலில் பல கோடி ஊழல் நடந்ததாக சென்னை உயர்நீதிமன்றத்தில் வழக்கும் உள்ளது.

2018-ல் ஸ்டாலின், எதிர்க்கட்சித் தலைவராக மின்துறை ஊழலை விமர்சித்தார். ஆனால், இன்று அவரது ஆட்சியில் ஊழல் மற்றும் முறைகேடுகள் தொடர்கின்றன. வெற்று விளம்பரங்களில் மூழ்கிய இந்த ஆட்சி, மக்களின் வரிப்பணத்தை பறிகொடுத்து, நிர்வாகத் திறனின்மையால் மின் பற்றாக்குறையை தீர்க்கத் தவறுகிறது. மக்களின் கேள்விகளுக்கு பதிலளிக்காமல், ஊழல் பட்டங்களை மட்டுமே சேகரிக்கிறதா இந்த ஆட்சி? பதில் மக்களிடமே உள்ளது.