காலம் காலமாக
நம்மை யாரேனும்
நினைவில் வைத்திருத்தல்
அத்தனை இலகுவான
விடயமா என்ன
அதற்கு
ஏதெனுமொரு காரியத்தை
பெரிதாய் செய்திருக்க வேண்டும்
ஏதெனுமொரு உதவியை
துணிந்து தந்திருக்க வேண்டும்
ஏதெனுமொரு ஆபத்தில்
கரம் கொடுத்திருக்க வேண்டும்
ஏதேனுமொரு காலத்தை
அவர்களோடு சேர்ந்து
சிரமப் பட்டு கடந்திருக்க வேண்டும்
ஏதேனுமொரு சிக்கலில்
அவர்களோடு நாமாக நின்று
தோள் கொடுத்திருக்க வேண்டும்
மீளவே முடியாதென அவர்கள்
மிரள மிரள விழித்த போது
முடியுமான சிறு ஆறுதலையேனும்
முன் நின்று செய்திருக்க வேண்டும்
இத்தனையும்
என்றோ ஒருகாலத்தில்
நீ செய்திருப்பின்
அவர்கள் காட்டிக் கொள்ளா விட்டாலும்
அவர்கள் நினைவில்
அழியாது நீ நிற்பாய்
அது உனக்கான அவர்களது
சிறு பிரார்த்தனையிலேனும்
வெளிப்படக் கூடும்
உணர்ந்து கொள்!
No comments:
Post a Comment