இது மாதிரி பழைய தட்டச்சு இயந்திரத்தை பார்க்கும்பொழுது பல நினைவுகள் மனதிற்கு வருகிறது. 1978 முதல் 1997 வரை இதை பயன்படுத்தி பல பொதுநல வழக்குகளைப் இதன் மூலம் தட்டச்சு செய்து தொடுத்து உச்சநீதிமன்றம் வரை சென்று வெற்றி பெற்றுள்ளேன். பல நூல்களை தட்டச்சு செய்து வெளியிட்டுள்ளேன்.
இன்றைக்கு இந்த தட்டச்சு இயந்திரங்களை ஒதுக்கி விட்டு கணினியில் தட்டச்சு செய்கிறோம். அன்றைக்கு கார்பன் பேப்பர், ரிப்பன் போன்றவை முக்கியமானவை. இன்றைக்கு தட்டச்சு செய்வது எளிது. தவறை திருத்துவது சுலபம். அன்றைக்கு பணிகள் சற்று சிரமமாக இருக்கும். இப்போது போல் நினைத்த மாத்திரத்தில் திருத்துவது கடினம். எழுத்துப்பிழை ஏற்பட்டால் அதை மீண்டும் புதிதாக தான் தட்டச்சு செய்ய வேண்டும்.
பிற்காலத்தில் மின்னணு தட்டச்சு இயந்திரம் (Electronic Typewriter), கையடக்க தட்டச்சு இயந்திரம் (Portable Typewriter) போன்றவை பயன்பாட்டில் இருந்தது.
இன்னொரு முக்கியமான செய்தி என்னவென்றால் எனக்கு தட்டச்சு செய்து கொடுத்த என் உதவியாளர்கள் என் வழிகாட்டுதலால் அரசியலுக்கு வந்து நாடாளுமன்றம் வரை சென்றுள்ளனர்.
*கே.எஸ்.இராதாகிருஷ்ணன்*
26-12-2017
No comments:
Post a Comment