#கேரளாவில்_சிபிஎமமுன்னணியைச் சேர்ந்த போக்குவரத்து அமைச்சர் கே.பி. கணேஷ் குமார்

 #கேரளாவில்_சிபிஎமமுன்னணியைச் சேர்ந்த போக்குவரத்து அமைச்சர் கே.பி. கணேஷ் குமார்

#கள்ளஉறவுகள்…. எனக்கு 5000 காதல் உறவுகள் உண்டு.. அதுக்கென்ன இப்போ?" - கள்ள உறவில் சிக்கிய கேரளா அமைச்சர்: மனைவியின் புகாரால் அதிரும் அரசியல் களம்! கேரளாவில் சட்டமன்றத் தேர்தல் நெருங்கி வரும் வேளையில், ஆளும் இடதுசாரி முன்னணியைச் சேர்ந்த போக்குவரத்து அமைச்சர் கே.பி. கணேஷ் குமார், தனது தனிப்பட்ட வாழ்க்கை குறித்த அதிரடி புகார்களால் பெரும் சிக்கலில் மாட்டிக்கொண்டுள்ளார். அமைச்சரின் மனைவியே அவர் மீது சுமத்தியுள்ள குற்றச்சாட்டுகள் அம்மாநில அரசியலில் பெரும் பரபரப்பை ஏற்படுத்தியுள்ளது. அமைச்சரின் இரண்டாவது மனைவி பிந்து மேனன், தனது கணவர் திருமணத்தைத் தாண்டிய கள்ள உறவில் இருப்பதாகப் பகிரங்கமாகக் குற்றம் சாட்டியுள்ளார். கடந்த சனிக்கிழமை, கொல்லம் அருகே உள்ள வலக்கத்தில் உள்ள அமைச்சரின் வீட்டில், அவரை வேறொரு பெண்ணுடன் கையும் களவுமாகப் பிடித்ததாக பிந்து மேனன் தெரிவித்துள்ளார். "நான் இரண்டு மாதங்களாக வெளியூர் சென்றிருந்தேன். என் அழைப்புகளை அவர் பிளாக் செய்திருந்தார். சந்தேகமடைந்து வீட்டிற்குச் சென்றபோது, படுக்கையறையில் நான் கண்ட காட்சிகள் வார்த்தைகளால் விவரிக்க முடியாதவை. அதை ஆதாரத்திற்காகப் புகைப்படம் எடுத்தபோது, அமைச்சரின் உதவியாளர்கள் என்னைத் தடுத்தனர்" என பிந்து மேனன் கண்ணீருடன் விவரித்துள்ளார். தகவலறிந்து சம்பவ இடத்திற்கு வந்த போலீசாரைக் கூட, அமைச்சரின் ஆதரவாளர்கள் வீட்டிற்குள் அனுமதிக்கவில்லை என்றும், அதற்குள் அந்தப் பெண்ணை ரகசியமாக வெளியேற்றிவிட்டதாகவும் அவர் புகார் கூறியுள்ளார். கணேஷ் குமாரின் முதல் மனைவி யாமினி, ஏற்கனவே குடும்ப வன்முறை புகாரின் பேரில் விவாகரத்து பெற்றவர் என்பது குறிப்பிடத்தக்கது. இந்த விவகாரம் குறித்து செய்தியாளர்கள் கேள்வி எழுப்பியபோது, அமைச்சர் கணேஷ் குமார் சற்றும் தயக்கமின்றி அதிரடியான பதில்களை அளித்துள்ளார். "காதல் இல்லாதவர்கள் முட்டாள்கள். எனக்கு ஒன்று அல்ல, 5,000 காதல் உறவுகள் உள்ளன என்பதை நெட்டிசன்கள் புரிந்துகொள்ளட்டும்" என அவர் கிண்டலாகக் கூறியுள்ளார். மேலும், "என் வாழ்க்கை ஒரு திறந்த புத்தகம். நான் ஒரு சிறந்த மக்கள் பிரதிநிதி. ஊழல் அற்றவன். எனது தனிப்பட்ட விஷயங்களில் யாரும் தலையிடத் தேவையில்லை. தேர்தல் நேரத்தில் எதிர்க்கட்சியான காங்கிரஸ் தூண்டுதலின் பேரில் ஆடும் நாடகம் இது" என அவர் தன் மீதான புகார்களைத் தள்ளுபடி செய்துள்ளார். கேரள காங்கிரஸ் (பி) கட்சியின் தலைவரான கணேஷ் குமார், ஐந்து முறை எம்.எல்.ஏ-வாக இருந்தவர். ஏற்கனவே சோலார் ஊழல் வழக்கில் முன்னாள் முதல்வர் உம்மன் சாண்டி மீது இவர் சுமத்திய பாலியல் புகார்கள் ஆதாரமற்றவை என சிபிஐ அறிவித்திருந்தது. இப்போது அவரே இத்தகைய சர்ச்சையில் சிக்கியிருப்பது ஆளும் இடதுசாரி கூட்டணிக்கு பெரும் தலைவலியை ஏற்படுத்தியுள்ளது. கேரளாவில் பெண்களுக்குப் பாதுகாப்பு இல்லை என்றும், அமைச்சரின் இத்தகைய அநாகரிகமான பேச்சுக்கு முதல்வர் பினராயி விஜயன் விளக்கம் அளிக்க வேண்டும் என்றும் எதிர்க்கட்சித் தலைவர் வி.டி. சதிசன் வலியுறுத்தியுள்ளார். இந்த '5000 காதல்' விவகாரம் தற்போது சமூக வலைதளங்களில் விவாதப் பொருளாக மாறியுள்ளது. #latesttamilnews #LatestNews #tamilnewsupdates #TamilNewsToday #tamilnewslive #TamilNews #GaneshKumar #KeralaPolitics #Controversy #5000Affairs #KeralaNews #TrendingTamil #PoliticalScandal #LDF #UDF #BreakingNewsTamil #WomenSafety